كل اللى هيريد ياريت يبقى انسان محترم.. انا بنت 23وحاسه انى بدأت اخاف ع نفسي من نفسي ! ..ازاى احافظ ع قلبى ونفسي اوى انا فعليا بقيت خايفه جدا من كل حاجه حوليا واولهم نفسي ..اعمل ايه بالظبط محتاجه نصايح دقيقه مش عامه عاوزة خطوات فعليه كده مش الرد يبقى"قربى من ربنا" وخلاص،لا يعنى تتمنى تشوف البنات ازاى
متدخليش اي حد حياتك ولا تعرفي اي حاجه عنك لاي حد ، وقللي من فكره ان ترتبطي غير لو شخص كويس جدا وحاسه ان فعلا اها دا و حاولي تظبطي شكلك وتهتمي ل صحتك واكلك وجسمك واناقتك و تعلي من دماغك تشوفي افلام مفيده او تقري كتب مهمه تبني شخصيتك وتثقف عقلك و حاولي كمان والاهم تهتمي ب مستقبلك كويس اوي عشان دا ال هيعلي من شأنك وهيديلك ثقه ف نفسك ، وخليكي دايما متفائله وجدا لان قدر الانسان دايما ع لسانه بس كدا .
الحياة مش صِراع .. مش مطلوب منك تنتصر على حد .. كفايه عليك تدور علي سلامك النفسي.
❤️
ايه الحاجات اللى لو البنت عملتها تبقي بتحب الولد دا فعلا .. ؟
بتغير عليه ، بتحاول تفرحه باي شكل و دايما بتهتم بيه وبتسأل عن كل حاجه تخصه و دايما بيبقي عندها لهفه انها تنزل تشوفه او تلمحه حتي من بعيد و دايما تلاقيها خايفه عليه زي مامته كدا ومحتوياه كدا وواخده بالها من ادق تفاصيله ودايما بتشجعه وبتدعمه وواقفه في ضهره .