احممم .. انتي وحدة من اصدقاء طفولتي اللي ما زلت احبهم احسج اكثر وحدة مناسبة اني اكلمها عن اي شي احيانا احسج انسب وحدة لها الشي .. مدري ليش اذكر مرة كنت زعلانة وكنت اقول فنفسي ابيها تكلمني مدري ليش كنت مركزة عليج فهاك اليوم انتي تحسبين نظام اكلج صح ويوم تقولي لنا شو تاكلين ابا اطيرج واقولج احين ها صح اونه خبز جبن بطاطس باليوم وبس :/ اكيد تغيرتي الحين انتي احسج تفهميني يوم يقولوا لي اني باردة لان وايد اسمعهم يقولوا لج نفس الشي :) انتي احسج نفسي بأشياء باختلاف انج تبين تتمي فالبيت وانا ابا اطلع منه وفي نقاط اختلاف غير يوم انا وجواهر نضحك ونستهبل عليج ( نحن نكون قدام وانتي ورا ) احيانا ايلس افكر واقول يا ريت بس ما زعلت حتى انا ارجع اشوفج انتي ما تحبي اليهال يمكن لانهم مزعجين وعادي عندج تبيكهم هههههه XD بعدي اذكر مقالبج لهم اهتماماتج ما مثلي فما اقدر اسولف معج احيانا صعب ترا افتح سالفة واهتماماتي غير عنج انتي ما وايد اجتماعية وتفضلين تحتفظي بربعج اللي وياج عكس تكوين صداقات زيادة وزيادة ما اعرف اتكلم عن ناس يالله بس ❤️
شو اقول وشو اخلي .. من الصبح وانا اقول ياخي كيف جي امتحان رياضيات وفيزياء عملي بنفس اليوم وتعب .. بس يلست افكر شوي شوي حسيته سهل .. لان الرياضيات دايم ما ياخذ مني اكثر من ساعة واختبارات العملي ما اذاكر لها زين .. بس افرفر واقرا وبسسوهييك كان تفكيري :) بالنسبة لليوم بروحه كان جميل كم من حصة يلسنا فاضيين نتمشى .. حسيت اليوم سار بسرعة ما وايد بطيء .. وسولفنا وجيي يعنيبعد بها الحصة اللي كنا فيها فاضيين ويلسنا نتمشى كان حلو فجأة ابلة بعد ابلة يأمروا علينا ونحن عاد بطريقنا فعادي بس تعبت وكان حر :/ حسيتني خسرت وايد وزن من كثر ما اركب وانزل من الدري -_- !وهكذا .. توني خلصت ذاكرت رياضيات .. فيزياء ما ناوية اذاكره .. يمكن اقراه الفجر وعاد ابلة الاحياء تبينا نحفظ ورقة تقول احفظوها لازم بكرة مدري متى بمسكها واحفظها وبسس يوم متعب وبنفس الوقت بسيط