محتاج نصيحة
حبيت واحدة بجد من فترة ولما سألتها عن ماضيها عرفت انها كانت بتحب واخد من حوالي خمس سنين وكانت فسن مثلا ١٧ سنة تقريبا وكانت بتكلمه خلال فترة سنة او اكتر
مع العلم اننا بنكلم بعض فحكم المخطوبين ومن حوالي سنة
ايه نصيحتك ليا؟
ولو مكاني هتعمل ليه؟
ولو انتي واحدة ايه نصيحتك ليا؟
بجد 🙏🏻
سوال بسيط يعني ايه حكم المخطوبين دا
جبته من اني شريعه
ربنا يهدي يارب
عادي يصحبي مفيهاش حاجة هي قالتلك انها كانت بتحب واحد وصارحتك انت تحترم كدا واكيد هي مبتكلموش دلوقتي يعني +اكيد انت حبيت وانت صغير ف عادي يعني متشلش هم
عيش حياتك معاها وربنا يديمكو ?
واي يعني لما كانت بتحب واحد ماكل الناس حبت انا قولت ف مصيبه ولا حاجه الخوار مش مستاهل الافور بتاعك دا وطالما هيا كويسه معاك وصيناك اتكل ع الله ولا انت بتفكر تخلع ف تجيب دي ف دي
كل واحد فينا ليه ماضي ولو كل واحد ساب واحده عشان حبت حد او واحده سابت واحد عشان حب واحده يبقى محدش هايتجوز , الماضي ده خلاص راح وكفايه انها صارحتك ومخبتش عليك وبالتالي تاخد بايدها وتثبتلها انها اد الثقه مش تسيبها انت كمان , انسى الماضي مفيش حد فينا خالي , وربنا يوفقك للاصلح .
اولا ملكش انك تسالها عن ماضيها حتي لو خطيبها او جوزها حتي وانت بتقول ف حكم خطيبها يعني مش خطيبها🤷♀️
وانت ليك م اول م عرفتك كانت بتتصرف ازاي مش م قبل م تعرفك .. وبعدين هيا معملتش حاجة غريبة يعني او مش متوقعة واكيد انت كمان كنت مرتبط قبلها وبتحب قبلها مش هي اول واحدة ف حياتك وبعدين انتوا المفروض بتحبوا بعض مالك بماضيها ولا هيا ملها بماضيك ولما عرفت ماضيها عايز نصيحة ف اي مش فاهمة !؟ اتعامل عادي زي م بتتعامل عادي كلنا بنغلط مفيش حد ملاك يعني
(لا تسألوا عن اشياء ان تبدي لكم تسؤكم ).
انا مش عارف المشكله فين بصراحه
انت بتكلم واحده زى انت ما قولت ف حكم المخطوبين رغم انكوا مش كده
وهي من ٥ سنين كانت بتمارس نفس الفعل الى انتوا بتمارسوه دلوقتى
ففين الشئ الى يعيبها ولا يعيبك يعنى
عموما نصيحة ليك
شايفها فتاة مناسبة روح اتقدم لها وقتى
غير كده عك
اي المشكلة انها حبت قبل كده هو حرام يعني ولا اي وكمان هي كانت طفله متعرفش حاجه وعندها فضول انها تعرف ودا طبيعي في فتره المراهقة وطالما انفصلت عنه خلاص ومش بتكلمه يبقي الموضوع انتهي ومتفتحش في تاني عشان متوجعهاش وابتدي معاه حياه جديده تعيشوها وتبنوها سوا من غير متفتحوا في الماضي
تحكم عليها من اول ما عرفتك وبس
تزعل لو سالتها عن ماضيها مثلا وكذبت وقالت مكنش فيه حد فى حياتى مثلا
ممعلش ف السؤال يعني اي ف حكم المخطوبين دا اصلا!
