حدث مستحيل تنساه 💗
كل مره بحضر فيها الشنطة و انا مسافرة بتبقي لحظة بنسبالي صعبة اوي ... و لحظة الوداع عموما مؤلمة جدا مبحبش احضن حد ولا حد يودعني لو عملت كده بفضل اعيط ... و اكتشفت اني مبحبش الغربة و بعد الثواني و الايام علشان اخلص .. اربع سنين اخدوا من روحي و تعب اعصاب كمان .. و لما اطول شوية و منزلش اجازة و ماما تقولي وحشتينا بغير الموضوع بسرعة لأن تلقائيا بروح معيطة و لما بقفل معاها بفضل اعيط .. و فكره أن ف احداث كتير بتحصل و انا بعيدة عنهم اغلب الوقت مش حاجة حلوه ... خصوصا أن ف مره ماما تعبت و جالها جلطة و محدش كان قالي و مكنش فيه شبكة ... و النور كان فضل قاطع اكتر من 24 ساعة و الموبايلات فصلت و كان حوار و لما عرفت خبر ماما كنت ف الشارع و عيط عياط ساعتها و محدش كان فاهم ف اي و كان خلاص فاضل ع الميد اسبوع مهتمتش و كنت مروحة احضر الشنطة و هروح ل ماما و اللي يحصل يحصل مش مهم ... و الحمد لله ساعتها طلع خبر أن الدراسة اتاجلت و قالولي اوعي تيجي دلوقتي امشي الصبح قولتلهم حاضر مسمعتش الكلام و سافرت و الكمين قفل علينا ف القنطرة ... في احداث ف الجامعة صعبة و مؤلمة وصعب انساها