بالنسبه لخبر انه طبيب بمستشفى التوتنجي نسي "موبايل" في بطن مريضة خلال عملية قيصرية.. و ظلت المخلوقة "ترج" من 4/24 لغاية ما اكتشفوا انه في بطنها موبايل !! و راحت عالبشير و شالوه و لفلفوا الموضوع !!
يعني خذوني بحلمكو شوي .. طولوا بالكو علي .. اذا المجنون بيحكي عاقل بيسمع .. بمخ واحد منغولي ومعاق ومحشش ما بتدخل
اولا: شو نوعية هالتلفون الخارقة اللي قعدت 18 يوم لا راضي يطفي ولا تخلص بطاريته عشان نشتري زيه؟ ولكم انا تلفوني بيطفي وهو عالشاحن!! لا تحكي لي سامسونج.. حتى السوني بيتحملش ثلاث ايام!!
ثانيا: شكله التلفون ضد المي و الضغط والرطوبة و الحرارة .. انتوا عارفين شو يعني جوه بطنها ؟ يعني مستنقع .. المفروض التلفون عفن من اول يوم .. اما انه يرج لمدة اسبوعين ما في حمار بيصدقها
ثالثا: من اتفه اساسيات العمليات انه ممنوع تدخل اصلا والتلفون معك .. لنفرض انه الدكتور دخل وتلفونه معه .. ما بيصير يلمسه لانه هيك ما عاد معقم .. لنفرض انه مسك التلفون و سال الميكانيكي عن سيارته اللي صار لها اسبوع بتتصلح و مش راضية تجهز .. و عصب "الحكيم" عالزلمة وقال له "اذا ما بتسلمني اياها اليوم جاهزة ما الك عندي قرش" و سكر بوجهه .. وحشى التلفون تحت البنكرياس.. لنفرض .. العملية فيها 2 ممرضة عمليات وقابلة وطبيب تخدير وفني تخدير و طبيب مساعد .. عالاقل .. كل هذول شافوه بيرمي التلفون في بطن المخلوقة و سكتوا؟ ولا ليكون كاينين يلعبوا كاندي كراش؟
رابعا: مين هالزنخ اللي ليل نهار بيرن .. بيرن .. بيرن .. وما بيزهق .. التلفون بيقول لك : "ان الهاتف المطلوب مرمي في بطن مواطنة!!" .. استوعب يا اخي .. شو ثقلة هالدم؟؟
خامسا: اهل البنت اول الفيديو عملوا حالهم بنتهم قاعدة بتموت و بالاخر زعلوا عشان انعملت عملية بدون موافقة حدا !! على حساب انقاذ الحياة بينعمل بدون موافقة حدا ولا صاروا دكاترة و عارفين انه هالعملية مش ضرورية ؟
سادسا: و غير هيك .. قناة رؤيا الكذابة .. ليش ما استضافت حدا يرد على هالاعاقة والتخلف ؟ ادارة مستشفى البشير نفت هالغباء و قالت انه عندها صور اشعة بتبين بطن المريضة "خالي من الهواتف" نصدق مين؟ واحدة تصورت والتلفون بجيبتها عملتوها فيلم هندي؟ على كل نقابة الاطباء رفعت قضية عالقناة و بكرة بنشوف
تخيلوا .. دعايات الخلوي في المستقبل .. سامسونج حالاكسي اس 56 .. يعمل في احلك الظروف . في المطر .. في الثلوج.. في الرطوبة .. حتى لو نسيه دكتورك في بطنك شهر بيظل شغال .. والمفاجاة . العرص الحصري .. اعمل عملية واربح اي باد .. هذا العرض لا يشمل الصيانة .. اتصل ب5346785... ب450 جنيه + مصاريف الشحن
بكرة بنلاقي خبر جديد : " فريق من الاطباء يخترع عملية جديدة لنزع الهواتف المنسية في بطون المرضى.. و سمي الاسلوب الجديد mobilectomy .. هذا و افاد الطبيب المسؤول عن الاكتشاف انه سيتم تطويره ليتم اجراء العملية عبر المنظار في السنوات القليلة القادمة"
#اخ_يا_بطني
#كله_ستيريل_الله_وكيلك
#وين_تلفوني
#بس_افضى_بكمل_لكم

Liked by: Yazan W. Hijazi Áhμàđ μâãîtäh lama حَمززةٌ المَعاآآيطةةٌ حمزة العساسفة | #اللهم_قوةة ❤ Maryam Heba Ramadan deleted

الحب ام الصداقة ،، وليش ؟!

Fawzi ~ 法齊 ~

May 16, 2015

الصداقه ... ﻻنه في هالايام بدك تخسر واحد قله بحبك للاسف

Liked by: Yazan W. Hijazi Áhμàđ μâãîtäh حَمززةٌ المَعاآآيطةةٌ Maryam Heba Ramadan deleted Fawzi ~ 法齊 ~

Tamimi wesam

Nothing here yet