ســبــحــان الله وبحمده سـبـحـان الله العظيم استغفرالله استغفرالله الله واكبر • اللَّهُــمَّ صَلِّ وَسَـــلِّمْ وَبَارِك على نَبِيِّنَـــا مُحمَّد وعلى آله وصحبه أچمعين
هاليومين صايره اقرا كثير ان *محد باقي لاحد* وبالاخير بيفترقون وكل واحد راح يروح بطريق و عشان سبب بسيط او تافه الحين بسألكم لو انت تهتم بشخص والشخص نفسه اللي تهتم فيه يهتم فيك وعلاقتكم صارت مره قويه ، تتوقعون راح تنفصلون عشان سبب تافه ؟ غيرهه ; احد وصله كلام عنك ؟ او شي من ذا القبيل ؟ لو صار وتفرقوا بسبب هالأشياء اعرف ان السبب الوحيد ان علاقتهم مابدت ب *ثقه* الحين صديقك ماتثق فيه ليه تسميه صديق ؟ حبيبك ماتثق فيه ليه تقول انت حبيبي ؟ لا تقول شي لشخص ومن داخلك تشوفه شي ثاني ما اشوف شي بالدنيا راح يفرق اثنين او ثلاث او اربع اذا كان فيه *ثقه* قبل كل شيء ، اذا مافيه *ثقه* صدقوني مافيه علاقه راح تدوم . واللي يبيك ماراح يخليك لو فيك بلاوي هالدنيا بيساعدك لين مايطلعك من الشيء اللي انت قاعد تعيشه ، اللي *يبيك* بس هو اللي راح (يسوي المستحيل عشانك) وعشان تبقون مع بعض فتره اطول- اللي يهتم فيك اهتم فيه واللي يحبك حبه بادله نفس الشعور ، صدقني راح يجي يوم وتفقدهم وتفقد اهتمام هالشخص فيك وراح تتحسف انك ضيعته ، اسأل عنه سولف معه ولا تخلي *الكبرياء* يتحكم فيك ♡~
خلونا نتكلم شوي عن الاهتمام ؟ حط في بالك أن اللي يحبك تلقائياً بتلقاه يهتم فيك بكل لحظه ، يهتم اذا زعلت وكيف يراضيك؟ وإذا ضحكت يتمنى تبقى هالضحكه ، يموت لو تأخرت ثواني ويجن جنونه لو طولت عليه ، تسعده جيتك وتضايقه روحتك ، إذا حس بأن خاطرك اتضايق منه يسألك ومايتركك ، يخاف عليك ، وأشياء كثيرة رغم صغرها إلا أنها تبين حب الشخص لك ورغم صغرها أيضاً إلا أنها تفرح كثيراً ، بس لأنها أتت من شخص تهوى وجوده ، شي مؤلم وقاسي تشوف شخص ماتحبه يهتم فيك أضعاف الي تحبه ، تبي تقول أرجوك خلك مثل فلان لأن ابي الاهتمام منك ، ماتقدر؟ والسبب "الاهتمام ماله لذة بعد الطلب" اللي يحبك صدق بيهتم في أدق تفاصيلك