لو سمحتي أنا داخل ع الكورس الرابع في كود مصر اللي هو advanced data structures مش عارف إيه الطريق بعد كدة إيه المفيد في إني بحل assignments
انا معرفش بقيت الطريق بعد كده إيه. وعادة الassignments (حتى في كليات هندسة) مش بيبقى لها لازمة غير إنك تطبق على النظري اللي اخدته. مش بيطلب منك تبني صاروخ يطلع الفضاء لكن بيطلب تتعلم وتعرف إن في جاذبية أرضية وقوة دفع عشان لما تبدأ تشتغل تعرف تربط الاثنين ببعض لما تحتاج. أعمل اللي عايك واجتهد إنك تفهم اللي بيعدي ويتقال حواليك.
اشياء تجبرك تبتسم؟.
ضحكة أي طفل صغير
وبعيدا إني مش حابه أدرس فيه تاني ،،،،، ليه حضرتك قولتي كدة هل هي حاجة شخصية ولا ف المكان برضو
مش حاجة شخصية أوي بس هو قرار مرتبط بسياسة إدارية اتعاملت معاه هناك
حضرتك تعرفي ال ITI ؟
ولو تعرفيه رأيك إيه في الخريجين بتوعه
اه طبعا اعرفه ودرّست هناك كورس لثلاث دفعات مختلفة. بعيدا عن إنه للأسف اتأثر بالتدهور اللي طايل كل حاجة في البلد اليومين دول وبعيدا عن إني مش حابة ادرس فيه تاني، لكن يظل بداية كويسة لحد من بره المجال وحابب يدخله او حد خريج كلية من المجال وحابب يزود معلوماته وعلاقاته. في وجهة نظري، المهم في أي دراسة مش المكان اللي هتدرس فيه لكن المجهود اللي أنت هتبذله فيه عشان تطلع باقصى استفادة تقدر عليها.
السلام عليكم ،أنا ابتديت برمجة من حوالي شهر مع كود مصري وبأحل كل الشيتات والبروجيكتس بتاعتهم بس بقالي مرتين مابقاش عارف هما عايزين إيه في البروجيكت ومش قادر استخدم الحاجات اللي هما بيقولوا عليها خاصة oop فمش عارف اتصرف ازاي
أنا دلوقتي في كورس داتا ستراكشر فاضل الادفانسيد داتا ستراكشر
وعليكم السلام ورحمة الله وبركاته انا معرفش محتوى كل كورسات كود مصري. بس عموما طبيعي انك طالما لسه بتتعلم تبقى لسه مش متمكن من ربط النظري بالتطبيق. حاول تفهم وتقرأ أكثر عن الحاجات النظري واللي بتاخدها في الكورسات. ولو حاجة معرفتش تحلها لوحدك، اتعود تفهم حلها لما تعرفه ليه اتعمل كده. يعني متهتمش تعرف الحل وخلاص لكن ركز فليه الحل ده هو اللي اتعمل.
You're not young :(
How's life after 8 years from Engineering ?