وبحس ام كلثوم وعبد الوهاب اتفقوا ف اغانيهم انهم يسألوا اسأله تعجيزيه صعب الاجابه عليها .. يعنى مثلا لسه من شويه صوت الست جاى من التليفزيون بتقول .."هو صحيح الهوا غلاب معرفش انا .."وبعد وصله من وصف الصبر ومرار الحب واشجانه والالام ال الواحد بيعشيها بسببه .. قررت تقطع فالقلب اكتر وتقول .. ياريت انا اقدر اختار ولا كنت اعيش بين جنه ونار .. وف اغنيه تانيه قررت تسأل .. مخطرتش على بالك يوم تسأل عنى؟! طب نلاقى اجابه منين .. بس لما لقت انه البعاد طول بزياده وان هو ال بدا الطريق ده وكمان جاى بتسال ايه غيرنى ف راحت قايله .. " اسال روحك ايه غيرنى، انا غيرنى عذابى ف حبك بعد ماكان املى مصبرنى .. " وخلاص مبقاش ليك مكان ..وكملت ..وبديت اطوى حنينى اليك واكره ضعفى وصبرى عليك واختارت ابعد وعرفت اعند حتى الهجر قدرت عليه وتقريبا قررت تندمه على بعده وسألت تانى شوفت القسوه بتعمل ايه !.. وحطت شرط تعجيزى للعوده .. ال هو خلاص مفيش امل يعنى وقالت .. وعايزنا نرجع زى زمان قول للزمان ارجع يازمان .. ومستكفتش كده لا..وسألت تانى " تفيد بايه ياندم؟! " يعنى كان قدمنا الفرصه متاحه وانا استنيتك كتير وبعد ماخلاص خرجتك من حساباتى راجع ندمان .. لا خلاص فات المعاد .. ويجى عبد الوهاب يختم هنا بسؤال ازلى ويقول .. "كل ده كان ليه؟!" 💔 #كلثوميات 🍂