By Abd 🤍
مسيرتي كمعلم ابتدأت...
رايح على المدرسة ك أول يوم كمعلم بعد مارحت عليها آلاف الأيام كطالب، بلشت تدريس في مدرسة اساسية وخذلك مواقف من أول يوم..
كان حلو الشعور لما شفت الطلاب بنادوني أستاذ ويحترموني وينتبهو لتصرفاتي، طبيعي يقعدو الطلاب يسألو ويتعرفو علي كأستاذ جديد المهم بعد ما أعطيت حصة طالب بيسألني كم عمرك أستاذ ،حكيت ٢٢ أستاذ إلا بحكيلي اخوي الكبير قدك يا أستاذ فحكتيله شو بدرس شو بعمل بحكيلي بشتغل عنده ٣ أولاد أستاذ، صفنت وبحكي لحالي بدي ابو ١٠ سنين أقل اشي تيصير عندي أولاد عشوية حسرة من الي حكاه كونه أخوه قدي، إلا بعد شوي بسألني طالب كان وجهه على الشباك بحكيلي استاذ هاي سيارتك ؟
سيارة مين وانا جاي قبل الدوام بساعة ونص ركبت باص من ثم مشيت ربع ساعة ثم اركبت باص ثاني ثم مشيت حوالي ٤٠ دقيقة توصلت المدرسة وهاذ بقلك هاي سيارتك!
خليها على الله وخذلك كمان حسرة ،بحكيله ليش سألت بقلي في سيارة اول مرة بشوفها صافة فكرتها الك عشانك جديد.
في كمان طالب اعطاني بزقة إيجابية استاذ انت احسن من الاستاذ الي قبل،سألتهم ليه بلشو يشكو منه انه بدرسش وبضل ماسك التلفون وكذا..
مرو أسبوعين وحبيت أجواء المدرسة وتأقلمت فيها وكل الطلاب تقريبا مبسوطين مني واغلبهم كانو يشكو من الأستاذ الي قبلي، فليوم وانا بعطي حصة دخل علي زلمة بحكيلي انت عبد الرحمن البدوي بحكيله اه طلع هو الاستاذ القديم فش شوي بناديني المدير بحكي الله يعطيك العافيه خلص آخر يوم الك عشان رجعنا الأستاذ ،طبعا انا تارك شغلي عشان المدرسة هاي وهيك على السريع طقعولي عأساس يوديني عمدرسة ثانية وبس والله
واستنوني بأحداث جديده إذا انتقلت على مدرسة جديدة وادعولي.❤️❤️
View more