انا مش عايزه اجيب اسماء بنات من الكليه بس في بنات كده اتنين صحاب مع بعض انا نفسي يبقي عندي صحوبيه زيهم مش بحقد عليهم بس انا نفسي ابقي زيهم كده انا بيعدي اليوم عليا ومحدش بيكلمني اتعودت علي كده والبنت دي اه ساعات بتكلمني بس بحس انها زهقت مش عارفه انا نفسي يبقي عندي صحاب
الصداقة شيء جميل جدا فعلا ربنا ما يكتب الوحدة علي حد بس بالنسبة لموقفك ده حاولي متتصاحبيش انتي ع حد لا هما اللي يتصاحبوا عليكي يعني اللي يطنشك طنشيه و مش لازم تكرهيه عادي واحدة شايفة انها بتخلع منك خالص متفرضيش نفسك عليها ، هي مش وحشة وانتي مش وحشة بس هي عايزة مساحة شخصية مش اكتر ف نفس الوقت هتلاقي ان في ناس عايزة تصاحبك بس انتي مطنشاهم أو مش واخدة بالك منهم وهكذا
اول قاعدة ف الصداقة متقوليش لحد عايزين نبقي اصحاب اتكلمي مع الناس و خدي و ادي و لو انتوا نافعين لبعض هتبقوا صحاب تلقائي انما انك تروحي تقولي لحد عايزين نبقي اصحاب دي أفشل طريقة ممكن تكوّني بيها صداقات انا حصل معايا نفس الكلام ف سنة اولي واحد قالي عايزين نبقي صحاب ومش عارف ايه وأنا كلمته كويس و باحترام وكل حاجة بس خلعت منه بالتدريج لأن مبحبش ان حد يفرض نفسه عليا صديق علي الرغم من انه شخص كويس جدا و صاحبي جدا دلوقتي و بحبه بس مينفعش يفرض نفسه عليا ك صاحب لأن كل واحد ليه مساحة خاصة مش عايز حد يدخلها غير بمزاجه هو انما لما اتكلمنا مع بعض وقعدنا و خرجنا و هزرنا بقينا اصحاب عادي بس من غير ما يقولي عايزين نبقي صحاب فاهمة ؟
اضغطي علي نفسك بكلمك جد خلي مذاكرتك و امتحاناتك ملهاش علاقة ابدا بنفسيتك عشان كدا مش هتتحركي خطوة ، سيبيها ع الله و ادخلي و زي ما تيجي تيجي اضغطي ع نفسك بجد و خلصي اللي تقدري عليه و حتي لو مخلصتيش نامي كويس و اعملي اللي تقدري عليه و بس