ادعي ربنا دائما يعينك على طاعته وتعرفي أن الفرق بينا وبين الكافرين الصلاه
اولا اي حاجه في اولها بتبقا صعبه بس بدال انت مصمم يبقا هتكمل واعرف ان صلاتك دي لاخرتك واللي هنتقابل بيها ربك اعمل المنبه على كل وقت لصلاه واول ما تسمع الاذان اقوم اجري قوم اتوضي جري مش تفكر وصلي السنن على ما الأذن التاني يأذن وادعي كتير ران ربنا يتقبل توبتك ويقربك منو واستغفري كتير وربنا يصلح حالك يارب واقري قرآن خلي عندك ورد كل يوم حتى لو صفحه
بص هو الطريقه الامثل ان يبقى عندك صديق يشجعك مع كل آذان .. مع الوقت الراحه النفسيه اللي ربنا بيرزقنا بيها من الصلاه هتكون كافيه
دايما حسس نفسك ان في حاجه ناقصه الي هوا تسأل نفسك حتي لو صليت تقول هوا انا صليت خليها جزء من حياتك كأي حاجه تانيه بتعملها
استغفر بنيه الانتظام عن تجربه
استحضري نعم ربنا عليكي واشكريه ولو بتحبيه كفايه هاتعملي كل اللي يخليه راضي علينا
واتوضي دايما قبل ميعاد الصلاة
بالله عليك م تسيب الصلاة أبدًا ..
مهما كانت ذنوبك اوعي تقول أنا مكسوف أصلي فتسيب الصلاة ..
لو بتشرب خمرة اوعي تسيب الصلاة ..
لو ماشي في علاقة حرام اوعي تسيب الصلاة ..
لو سيبت صلوات كتير أو كنت بتقطّع في الصلاة قبل كده اوعي تاني تسيب الصلاة ..
استغفر وتوب عن اللي فاتك وابدأ من جديد ،، لو الأبواب اللي بينك وبين ربنا كلها مقفولة ،، سيب الباب ده مفتوح ،، لو انت بعيد عن ربنا في حاجات كتير اوعي تسيب الصلاة وتقول م اهي كده كده بايظة ..
الصلاة هي اللي هتخليك تبطل الذنوب الكبيرة اللي في حياتك ..
الصلاة هي اللي هتغفرلك الذنوب الصغيرة اللي بتعملها كل يوم ..
الصلاة هي النور اللي بتنورلك طريقك في الدنيا ..
الصلاة هي الطاقة اللي بتخليك تقدر تكمل في مشوار حياتك ..
الصلاة شفاء لكتير من هموم الدنيا اللي كترت اوي ..
الصلاة هي الصِلة اللي بينك وبين ربنا ،، بين المخلوق وخالقه ،، وهي مصدر السكينة والطمأنينة وسط زحمة الحياة اللي بقت مالية حياتنا ،، فـ بالله عليك اوعي تقطع الصِلة ديه مهما كانت ذنوبك ..
الصلاة هي أول ما يُحاسب عليه المرء يوم القيامة ،، فإن صلحت صلح العمل كله وإن فسدت فسد العمل كله ")👌🏻
فـ بادر قبل أن تغادر ")View more
ممكن تخلي حد يشجعك زي اختك او اخوكي و تصلوا مع بعض و يكون عندك نيه للصلاه و الالتزام و مع الوقت هتلاقي نفسك مش قادره تبعدي عن ربنا و هتكوني منتظمه في الصلاه باذن الله ، اسمعي قرآن كتير لشيوخ بترتاحي لصوتهم و أقرأ قرآن حتي لو خمس صفح في اليوم . ربنا يثبتك ي جميله علي الصلاه و طاعه الله ، ربنا يرضيك لنا يحبه و يرضاه 🌺
بص كل حاجه بالتدريج يعني مثلا لو مش بتصلي خالص حاول تنظم في فرض واحد و تحاول انه ميفوتكش لمده اسبوع مثلا كده انت خليت نفسك تتذوق حلاوه الموضوع و قد ايه بتبقى قريب من ربنا
تاني حاجه و هي حاول تخلي الصلاة من أولويات يومك و انها تكسب اي حاجه في يوم
تالت حاجه بقا و هي انك تكون حاطط في بالك انك بتصلي عشان ربنا و انها طريق انك تدعي و تقرب اكتر من ربنا حاول تلزم ببعض الحاجات دي هتلاقي ان شاء الله الموضوع فارق معاك و هتلاقي حصل في نفسك إصلاح كبير اوي و ربنا يهدي الجميع 💙
*ملحوظة ممكن انا مش ملتزم بالصلاة لأقصى درجه بس دايما بحاول افكر نفسي بالكلام ده عشان اكون ملتزم على قد م اقدر
*خليك متوضي علي قد ما تقدر
*نزل اي ابليكشن يفكرك بمواعيد الصلاه و اول ما تسمع الاذان قوم صلي
*اول فتره خلي معاك جدول كدا بصلوات اليوم علقه في مكان تكون شايفه دايما و علم علي الصلوات الي صليتها او اعملها علي الموبايل
*انك تصلي اي فرض احسن من انك متصليش فمتقطعش خالص
*ادعي ربنا دايما انه يهديك و يقدرك
*من تقرب مني شبرًا تقربت منه ذراع طول ما انت بتحاول هتوصل فمتيأسش
