في سؤال محيرني وبدي حد يكون فهمان يجاوبني
هلا لو حد غلط غلطة وندم ندم شديد عليها والو سنين بيدعي ربنا يسامحو وماحد بيعرف بهاد الغلطة غيرو ولساتو تأنيب الضمير بياكل قلبه مع انو مرق ٤سنين عليها
هل يضلو كاتم الغلط ومايحكيه حتى لخيالو لانو الله سترو ولا يحكيه بسبب تأنيب الضمير الي بقلبو
لا ما يحكيه طبعاً ربنا ستر عليك ذنبك اللي عملته في الخفاء تروح تحكي هاد الذنب عشان ضميرك بأنبك طب ما انت هيك صرت بتجاهر بالمعصية ! او بتفضح في حالك.
اذا في مصلحة للغير احكي ، اذا م بفيد بشي فاستغفروا الله يا عمي واكتموا
لا ما يحكي
لأنه اذا ربنا سترك ليش تفضحي حالك
وربنا سبحانه وتعالى بحكي اذا بليتم فاستتروا.. فالغلط بكون ابتلاء وربنا سبحانه سترك بهالغلطة ليش تحكي فيها وتخلي غيرك يعرف ويصير يعايرك فيها وكل فترة يذكرك فيها.. وتأنيب الضمير لا بد منه.. وكل ما تحسي بتأنيب الضمير وتجلدي نفسم ربنا راح يخفف من نتيجة هاي الغلطة
ربنا كريم وبسامح وبغفر ، ف ليش تااكل هم الغلط ،
يعني الافضل ننسى الغلط ولا كانو صار بما انو رجعنا لربنا وندمنا وفش داعي نحكي لحد عنه ، خلص اشي انتهى وراح ، مع انو يمكن لو الواحد يحكي لحد يلي صار معه ويفضفض ممكن يرتاح بنسبة كبييييرة ، بس بالاخر تانيب الضمير ما بروح ، الا ازا الواحد سامح حالو ووعد حالو ما يعيدها
اكيد ما يحكي وخلص بما انو ندم ولو هالغلط فيه حق بني ادم يرجع الحق لصحابو وخلص اكيد حياتو ما رح توقف عند هالغلط
لو شو ما كان الذنب
لما الواحد يتوب توبه ما يرجع فيها ربنا بغفرلو ان شاء الله
الي ستره ربنا ما يفضح حاله
نصيحة ما تحكي لحدا رح يعايروكي منتي هيك عملتي ...ربنا ستر عليكي ليش انتي تيجي تفضحي خلي هالسير مخبى جوا قلبك..مدام راجعتي حالك وتوبتي ف الحمدلله الله يسعد قلبك حبيبتي ويوفقك ويعطيكي ليرضيكي 💜💐ما رح تستفيدي الناس ما بتنفعك.
يضل ساكت وميحكيش
ومن بفضح ما ستره الله
