دايماً تيينيي أفكار بالموت ، احس خلاص راح اموت😞 واقعد ابچي من صجي! علماً ماعندي أوقات فراغ كنت دايماً مشغولة بدراستي وحالياً بيت - نادي - بيت - shopping عقب شهر اسافر يعني مرتاحه بحياتي بس دايماً احس راح اموت !! واقعد ابچي ، ولما اسمع خبر وفاة احد حتى لو هالاحد مايصيرلي خير شر يضيق خلقي وأفكر فيه
معناته ايمانج بالله قوي دامج تصلين وتصومين وتسوين افعال خير❤️
التفكير بالموت نعمة بيخلي الانسان متذكر نهايته و بيفكر بأخرته،، بس اذا الخوف شديد اقرئي سورة قريش و ركزي على اية و آمنهم من خوف و ان شاء الله بترتاحي..
كل انسان وله نهايه بحياته
قربك من رب العالمين والدين دايما تخلي الواحد يطمئن حتى لو كان موسوس بالموت ..
طبيعي ان اذا احد مات تزعلين عليه حتى لو ماتعرفينه وطبيعي انج تفكرين فيه بس المو طبيعي ان تفكرين لهالدرجه ، في ناس تفكر صح لان هاليوم ياي لا شك ، بس بما انج قعد تفكرين ف استفيدي من هالشي ان اول ماتطري على بالج الفكره روحي صلي او اقري قرآن منه تكونين مُستعده لهاليوم بعد عمر طويل ان شاء الله ومنه تروح من بالج هالافكار المُزعجه
هاذا تجسيد حق الخوف الي بداخلج ، لازم تكملين حياتج ولا تعطين مجال حق هالافكار الي يعطيج اياها مخج ، كل ماتعطينها ويه بيزيد الشعور وكل ما حقرتيها تمشي حياتج اسهل
لو تصلين ماتجيج هالافكار الوسواسيه .. اهتمي بصلاتج ابرك من النادي والبيت والسفر محد نافعج الا صلاتج بعد الموت
اقروا قرآن وقبل لا تنامون سموا بسم الله و اقروا آية الكرسي 😊
