نحنا هاد الي شاطرين فيه ، نعمل نكت ، ونعمل اي موضوع مسخرة .. مابناخد اي موضوع ع محمل الجد ، الموضوع مش بخطورة الفايروس ، قد ماهو بخطورة سوء التجهيزات الصحية ، ونظافة المستشفيات والتعامل الي ممكن يصير مع اي حالة مرضية ... والاشاعات الي بتصير تطلع ع المرض ، وطرق الوقاية الغلط .. لما يطلع خبر ،انه لو وصل ٢٠ حالة لا قدر الله .. انه رح يوقف المدارس والجامعات والتجمعات السكنية ! هاد حل ؟! لازم يصير في توعية اكبر من هيك ، لمنع انتشار الفايروس ولازم الناس الي عندا امراض مزمنة تنتبه ع حالا والناس والاهل ينتبهو لاطفالن ويعملو اولادن طرق التعيقم السليمه ، وكيف يحمو انفسهن عنا بدل ما بتم مساعده الناس بالاجراءات الصح عم برتفع سعر كل المعقمات وكل الكمامات ، وعم بتم الاستغلال ، لازم تصير توعية بطريقة استعمال الكمامه وكيف الواحد يلبسا ومتى يبدلا ، يمكن في كتير اجراءات ، بتقدر تعملا الدولة ، وتخفف من اي انتشار ممكن يصير ، وبكفي تبعتو رسائل للناس عن الفايروس والله امي بدون قلق وبدون كورونا ، عاملة توتر واستنفار 😢 الله يحمي الجميع ويبعد عنا كل الامراض