@ahmedalm96

Ahmed Alm

Ask me anything Follow
Ask @ahmedalm96

Sort by:

LatestTop

يقول علماء النفس:أن النظر والتأمل في صورة شخص تحبه يساعد على تخفيف الألم!وأن سماع صوت شخص تحبه يزيل الإكتئاب

مفيش حد بيخرجني من المشاكل والضغوطات النفسية إلا نفسي، ممكن بكون مبسوط شوية مع حد بحبه، لكن الإكتئاب محتاج فهم كويس لنفسك وإدراك مشكلاتها وضعفها، وتغيير في طبيعتها من خلال العلاج والتجربة، والحب عامل قوي برضو لكن مش أساس. وهي دي وجهة نظري بناءًا على تجربتي أنا وممكن تحتلف مع حد تاني تمامًا يعني.
1
Liked by: Mohamed Shehata

من وجهة نظرك ايه ابرز مشكلات الشباب في وقتنا الحالي ؟ وايه ابرز مشكلات المجتمع حاليا ؟

الفراغ.
مفيش مجتمع، المجتمع محتاج إعادة تعريف وتنظيم من الصفر.

ايه مواصفات شريك حياتك؟

هنتجوز بكاتالوج يبني! ?
مفيش صفات خيالية، في أساسيات من الدين والخُلق والنسب والعقل، والمقبول من الجمال وخفة الروح. مفيش حد متفصل على مقاساتك وخيالاتك. وإنت مش كامل ومش هتلاقي حد كامل، مفيش كدا لا.

Related users

Guntar113
Guillaume Biemar
Arielle Romero
بيان مطارنة
M7mdShe7ata95’s Profile Photo Mohamed Shehata
Mohamed Ebrahim
ebrahim ayman
Ibn_Rezk’s Profile Photo عمّار رزق
mahmoudaboamood’s Profile Photo mahmoud abo amood
RAMADAN HANIFA
عَقــل

عندي قناعة تامة أن ؟...??

الحياة حلوة وتستحق إنها تتعاش، وهو مش تفاؤل زيادة، بس أنا بحب تجارب الحياة بحلوها وبصعوباتها، بمراحلها العمرية وتحدياتها، وشايف إننا ظالمين نفسنا بكرهنا لواقع الحياة اللي إحنا فيها بحكمة ربنا وبدون إرادتنا، بس نقدر نعيشها بإرادتنا يعني.

اغلب البنات عارفين ان الخواحب حرام تتعمل ومع ذلك بيعملوها تغتكروا ده عيب مين ؟!

نخوة ومروءة الأهل وتربيتهم وتفهمهم لإحتياجات بنتهم هي أساس بيحدد إذا كانت البنت هتكون كويسة وتؤتمن على بيت وأسرة _ودا الأهم وله معايير كتيرة أكتر من الحواجب يعني _ ? ولا لا.

أنا عارف إني لو بعتهم هكسب دهب ?? ماعنديش مشكلة يا صاحبي أتبرع بيهم فور فري كمان لحد أمين ونضيف .. بس زي ما قلتلك أنا مش حمل أشيل ذنب اللي هساعده يعزف ده لأني ذنوبي تكفي مجرات بجد

أنا مقدر المبدأ دا جدًا وجزاك الله خير يبني والله، بس أنا بحب المزيكا وحاولت أتعلم كذا مرة بس كلها كانت محاولات بائسة الحقيقة، وقرأت إختلافات فقهية كتيرة في الموضوع والحقيقة ملت لحبي للمزيكا أكتر من الرأي التاني. عامةً لو فكرت في الموضوع أنا موجود يعني ?
+1 answer in: “اقتنعت إن الموسيقى حرام ومش ناوي أدخل في نقاش دلوقتي أنا عندي كمية آلات موسيقية لو بعتها هتجيبلي فلوس محترمة زي الڤيولين وبيانو وجيتار عادي واليكتريك وفلوت ودرامز وغيرهم... الفكرة لو اتباعوا هتبقى فلوسهم حرام عليا ومستحرم جدًا أبيعهم وبرده ركنتهم كده خسارة كبيرة عليا غير إن منظرهم مغري? أعمل إيه!!!”

اقتنعت إن الموسيقى حرام ومش ناوي أدخل في نقاش دلوقتي أنا عندي كمية آلات موسيقية لو بعتها هتجيبلي فلوس محترمة زي الڤيولين وبيانو وجيتار عادي واليكتريك وفلوت ودرامز وغيرهم... الفكرة لو اتباعوا هتبقى فلوسهم حرام عليا ومستحرم جدًا أبيعهم وبرده ركنتهم كده خسارة كبيرة عليا غير إن منظرهم مغري? أعمل إيه!!!

هشتريهم منك كلهم بسعر كويس، واتبرع بفلوسهم يبني، بتكلم جد يعني لو قررت ابعتلي آسك تاني ورقم أتواصل به معاك ?
+1 answer Read more

برَأيك ، ما هُو أهم شَيء تَمتَلِكه ؟!

يمكن رسائل ربنا اللي بكون متأكد إنها هتجيلي في اللحظات المناسبة والفارقة واللي بتخليني دايمًا أختار إختيار أفضل من اللي كنت قررت أختاره بعد حيرة ومفاضلات كتيرة وتفكير عميق، أنا محظوظ بالصلة دي، وبتمنى عدم زوالها.
1
Liked by: عمّار رزق

أحكي عن أكثر موقف مخيف تعرضت لهُ في حياتك ؟ ?

إمتحان دوائر ٢ في أولى كهربا، دخلته وكنت أول مرة أفتح المادة قبلها ب٨ ساعات، وكانت مادة مش ظريفة، وطبعًا يعني إمتحنتها تاني، وعدّت الحمد لله.

ايه اهم اولوياتك الفترة دي ؟

إن تكون السنة دي مختلفة عن غيرها، بس مش لازم تفاصيل ?

فريق خواطر بيمثلك ايه؟

في الماضي كان حلم كبير، عملناه وإحنا منعرفش حاجة عن نظام ولا تخطيط ولا إدارة ولا تطوع، وطول الطريق كنا بنخبط وبنتعلم، لحد ما بقى كيان له فكره وأسلوبه والحمد لله. كان بيمثل جوايا معنى عظيم أدركت أثره وأنا بودّعه من سنتين تقريبًا، وكان يوم شاق على قلبي ونفسي. عرفت جواه ناس جميلة كان لي معهم ذكريات طيبة. نحتسب أجر وقتنا ومجهودنا فيه على الله. أما اليوم هو واقع والحمد لله، يمثله جيل يعقبه جيل، وكل جيل له فكره وأسلوبه اللي ممكن أتفق أو أختلف معاه، لكن في النهاية هكون منتمي إليه وبحبه وبتمنى له الخير دومًا، حتى وإن كنت واقعيًا غير موجود فيه.
6
Liked by: mahmoud abo amood عمّار رزق عَقــل مُصطَفىٓ الأَسْمَر لَمى

لو كنت/ي وزير السعاده ف مصر هتعمل/ي ايه عشان تسعد/ي الناس ??

لا سعادة في قيد وجوع، مش هعرف أعمل حاجة. بس كمحاولة هوفر لكتير من الناس علاج نفسي؛ لأننا في حاجة كبيرة إليه.

رساله لشخص ما قبل2017 ما تنتهى!؟

رسالةٌ إلى الذي لازمني كل الطريق ومعى حتى نهايته "لا يهم ما مضى وانظر فيما بقى وافعل ما تريد".
1

هو ممكن الصداقة تقلب بحب او العكس ؟

في الغالب بتقلب بحب وخصوصًا لو في تقارب في الطبيعة والفكر.

كان رسول الله صلى الله عليه وسلم يقول: ((إذا صلى أحدكم فليقل: اللهم باعد بيني وبين خطيئتي كما باعدت بين المشرق والمغرب، اللهم أعوذ بك أن تصد عني وجهك يوم القيامة، اللهم نقني عن خطيئتي كما نقيت الثوب الأبيض من الدنس، اللهم أحيِني مسلمًا، وأمِتْني مسلما)).

آمين آمين آمين.
1

هل زرت معارض فنية أو متاحف مؤخراً؟

أيوة كنت معدي من أمام دار بن لقمان في المنصورة أنا وصديق ليا إسمه عبد الحميد، ودخلنا زرنا الدار.. وأكيد إنت عارف إزاي حكومتنا بتتعامل مع اي شئ أثري قديم وبيمثل تاريخ ورمز، إهمال يخليك خارج حزين جدًا والله..

وقد يأتيك الرزق في صورة إبتلاء .. إن الله إذا أحب عبدا إبتلاه ?

جزاك الله خير، دعواتك.
1

طبتم , ما تعريفك للعقل , وهل العقلُ - كما يُقال - قاصرًا ؟ , وإن كان .. فكيف يكون هذا القصور ؟ , وبماذا وكيف استدلّيت على قصوره ؟.

TheUnlimited0’s Profile PhotoIbrahim
دا سؤال إمتحان دا يا نور! طبت يا حبيبي.
أنا هجاوب بإقتباس حلو جدًا بحبه للرافعي من كتابه أوراق الورد.
" يا من خلقني إنساناً ولكنه قضى علي ان أقطع الحياة كلّها أتعلم كيف أكون إنساناً كالبذرة: تقضي عمرها في إخراج شجرتها ونموها حتى إذا اكتملت الشجرة قطعت لأغراض أخرى غير التي من أجلها نبتت..
يا من وهب عباده العقل بين هذه النواميس التي لا تعقل، حتى لا يتمّ أبداً عقل إنسان، ولا تكتمل أبداً حكمة حكيم، فيظل باب الخطأ مفتوحاً لأكبر العقول وأصغرها، وتكون الحيرة قاعدة من قواعد العقل، ليخرج من ذلك أن يكون التسليم قاعدة من قواعد القلب!
يا من جعل شفائنا في العلم داء آخر من العلم، حتى لا يرتفع المضر عن الأرض حتى ولو صار أهل الأرض كلهم علماء!
ويا من خصني بهذا القلب العاشق الذي يتألم ويضطرب حتى عندما ألمس كتاباً أعرف ان فيه قصة حب، وهو مع ذلك يتكبّر على كل آلامه ولا يخضع أبداً إلا جواباً على خضوع آخر، فكأنه لا يدنيني ممن أحبّهم إلا لأعرف ما أكرهه فيهم، وكأنه من فرط رقته آلة إحساس جامدة لا قلب حيّ ".

View more

1

Next

Language: English

4.1

1,266,418 reviews
© Ask.fm 2024