هشام الجخ لما قال أنا عندي ركن بخبي فيه كل الحاجات ، كل القصايد والألم كل البنات ، جيت أركنك جواه رفض ومكفكيش فمتزعليش ، وإن جم قالولك إنه مش باين عليه أثر الفراق متصدقيش ، أنا لما سيبتك كل حاجه إتغيرت ، ريحة الدكاكين القديمه والشوارع والبيوت ، كأني ببدأ من جديد رحلة حياتي أو بموت ، حسيت كأني نهيت حياتي خنقتها ، أنا كنت متخانق معاكي وقتها مكنتش أقصد أقولك إمشي مترجعيش ، بس إنتي كنتي صغيره مفهمتنيش ، الطبع غلاب وإنتي عارفه وكنتي لازم تعذريني ، معرفتش أترجاكي وإنتي بتدبحيني ، الطبع غلاب وإنتي عارفه وكنتي لازم تعذريني ، ربونا ع الهيبه وع الحب بأيامه وإن لما البنت تتقل يوم عليك بالسلامه ، صدقيهم لو قالولك إني عصبي أو فلاتي وإني بعرف ألف واحده وقلبي بيغير يوماتي ، صدقيهم لو قالولك أي كدبه عن حياتي ، بس إوعي تصدقيهم لو قالولك إنه كان كداب معاكي محبكيش ، وإن جم قالولك إنه مش باين عليه أثر الفراق وإنه مش بيجيب في سيرتك وإنه عادي متصدقيش
العنوسه فعلآ لما تختار غلط وتعيش طول حياتك تعيس العنوسه مش مربوطه بسن معين ، ولا علشان الأصغر منك إتجوز وانت لسه ، ولا علشان بنت خالتك اتجوزت وانتي لسه ، العنوسه لما تقبل بأي حد يجي وخلاص ، أي حد تسد بيه الفراغ إللي في حياتك ، مش معني إني كبرت في السن إني عنست ، فيه حاجه إسمها لسه ربنا مأذنش ، أنا مش هتجوز فعلآ غير لما أكون مقتنع بالشخص دا وأنا بحبه ومتأكد مليون في الميه إنه بيحبني وإن هو دا الشخص المناسب إللي أقدر أكمل معاه حياتي ، إللي أقدر أتسند عليه لما أقع ، إللي يشيل عني ، إللي يحلي الدنيا في عيني ، الشخص إللي ميحسش بالأمان غير وهو معايا أنا بس ، ولو دا محصلش فأنا هستني حتي لو وصلت للخمسين ، مفيش حاجه اسمها عنوسه ، فيه حاجه اسمها لسه نصيبي مجاش ، لما ربنا يأذن وألاقي الشخص الصح .