انا عندي ٢٥ سنه محدش جه اتقدملي خالص مع اني الحمدلله انا شكلي مقبول، بيجي عليا اوقات بفضل اعيط ، الاصغر مني اتخطبو واتجوزو مش بقول حاجه ربنا يسعدهم يارب، بس حاجه جوايا بتقول اني ناقصني حاجه مبقاش عندي ثقه في نفسي ، مش عارفه هو دا طبيعي الاحساس دا لاي بنت في نفس سني ومجلهاش نصيبها لسه😔😔
بصى هو طبيعي جدا انك تكونى نفسك تكونى اسره بس اللى مش طبيعي اللى انتى عامله فى نفسك يعنى انتى حبستى نفسك وحطيتى فى دماغك أن قيمتك أو ذاتك تكمن فى انك ترتبطى وده فى حد ذاته حاجه مش طبيعيه لازم تحطى فى دماغك أن ذاتك وشخصيتك لنفسك مش هتكمل بحد تانى ولا ناقصه احنا يوم لما بنفكر نرتبط نرتبط بالشخص الصح اللى يشبهنا اللى نقدر نكمل معاه حياتنا ونأسس اسره سويه غير كده متقبليش وتأكدى أنه نصيب ورزق ربنا كاتبه هتشوفيه فى الوقت المناسب وربنا يرزقك عاجل غير اجل وتحاولى تشغلى وقتك وتستثمريه فى حاجه تفيدك حتى لو بقراءة فى حاجه بتحبيها