••| تحدث |••
واحد معرفة مأجر مننا محل وبيدفع من زمان جدا ٨٠٠ جنية ايجار في حين إن أقل محل في نفس الشارع بيدفع ٣٠٠٠ جنيه وأقل مساحة من بتاعنا .. بس كنا بنقول اهو معرفة وعيب نمشيه ده معانا من سنين ..
المشكلة انه بيدفع مؤخر مش مقدم وممكن يستني تلات شهور ويدفع مثلا ٢٠٠٠ جنيه ويقولك سامحني في ٤٠٠ عشان ظروفي وبتاع وحوارات من دي ..
طفح الكيل منه بصراحة ورحنا قلنا ليه اخر الشهر ده لو سمحت عايزين المحل .. قدامك شهر كامل ومش عايزين ايجاره .. الراجل اتجنن وكان عليه شهرين فدفعهم في وقتها وقال خلاص والله انا بس كنت ناسي الايجار خدوا الايجار اهو وكل سنة وانتم طيبين ..
القرار كان متاخد وقلنا ليه لا والله الموضوع منتهي .. الراجل اتجنن وازاي ومش ازاي .. طيب انا هدفع ١٠٠٠ جنيه ومقدم .. وبردوا ولا الهوا .. اخر الشهر تطلع ..
الراجل النهارده اتصل بينا وقال هدفع ٢٥٠٠ جنية .. واكتبوا عقد لمدة تلات سنين او حتي 5 سنين وأدفع ٣٥٠٠ .. كان بردوا القرار بتاعنا ما زال لأ .. اخر الشهر هنجيب واحد تاني ..
قعدت أفكر .. ازاي ممكن تبقي صابر جدا ومحترم الطرف التاني وهو يظن انك حق مكتسب بالنسباله .. زي ما بيقولوا تديله صباعك ياكل دراعك ..
وتيجي القشة التي قسمت ظهر البعير .. فيبقي الطرف التاني مش فاهم انت مالك .. ويقولك طيب هراضيك .. حتى في العلاقات يقولك هراضيك بأي حاجة .. تعالى افسحك .. ولا تعالى نتكلم .. وقتها هو ما بيبقاش فاهم ان المشكلة مش كلام ولا فسح .. ولا الحاجات دي .. المشكلة انك ما قدرتش تقديري ليك ..
وساعتها لو عرض عليك الدنيا بحالها بردوا بتبقي مش عايزها .. والغريب ان ممكن تاخد واحد بعده بأقل من امكانياته وتبقي مستريح معاه ..
فيعني لو سمحتوا تقدروا تقدير الناس ليكم .. ومش معنى اننا طيبين معاكم اننا عاجزين اننا نقطع الوصل اللي بينا .. احنا بس واقفين على تكة فما تتاكش علينا أوي ..
المشكلة انه بيدفع مؤخر مش مقدم وممكن يستني تلات شهور ويدفع مثلا ٢٠٠٠ جنيه ويقولك سامحني في ٤٠٠ عشان ظروفي وبتاع وحوارات من دي ..
طفح الكيل منه بصراحة ورحنا قلنا ليه اخر الشهر ده لو سمحت عايزين المحل .. قدامك شهر كامل ومش عايزين ايجاره .. الراجل اتجنن وكان عليه شهرين فدفعهم في وقتها وقال خلاص والله انا بس كنت ناسي الايجار خدوا الايجار اهو وكل سنة وانتم طيبين ..
القرار كان متاخد وقلنا ليه لا والله الموضوع منتهي .. الراجل اتجنن وازاي ومش ازاي .. طيب انا هدفع ١٠٠٠ جنيه ومقدم .. وبردوا ولا الهوا .. اخر الشهر تطلع ..
الراجل النهارده اتصل بينا وقال هدفع ٢٥٠٠ جنية .. واكتبوا عقد لمدة تلات سنين او حتي 5 سنين وأدفع ٣٥٠٠ .. كان بردوا القرار بتاعنا ما زال لأ .. اخر الشهر هنجيب واحد تاني ..
قعدت أفكر .. ازاي ممكن تبقي صابر جدا ومحترم الطرف التاني وهو يظن انك حق مكتسب بالنسباله .. زي ما بيقولوا تديله صباعك ياكل دراعك ..
وتيجي القشة التي قسمت ظهر البعير .. فيبقي الطرف التاني مش فاهم انت مالك .. ويقولك طيب هراضيك .. حتى في العلاقات يقولك هراضيك بأي حاجة .. تعالى افسحك .. ولا تعالى نتكلم .. وقتها هو ما بيبقاش فاهم ان المشكلة مش كلام ولا فسح .. ولا الحاجات دي .. المشكلة انك ما قدرتش تقديري ليك ..
وساعتها لو عرض عليك الدنيا بحالها بردوا بتبقي مش عايزها .. والغريب ان ممكن تاخد واحد بعده بأقل من امكانياته وتبقي مستريح معاه ..
فيعني لو سمحتوا تقدروا تقدير الناس ليكم .. ومش معنى اننا طيبين معاكم اننا عاجزين اننا نقطع الوصل اللي بينا .. احنا بس واقفين على تكة فما تتاكش علينا أوي ..
