الحمد لله رب العالمين
صحيت بدري صليت في مواعيدي الحمد لله
كان عندي إشراف ناقشت حالة صعبة كان فيها انحرافات كتير و مش متأكدة هعمل إيه لسه مع المريض
فطرت طعمية بيتي وخضار مشكل وطحينة بروتين عالي
عملت سكين كير و هير كير و مسحت المطبخ اخيراً 😂
عملت سناك صحي تمر بتشوكليت و شربت قهوتي
تابعت اخبار العالم الحزين وقريت سورة الكهف رديت على بعض الأسئلة
كلمت بعض قرايبي وأصحابي
دعيت قبل المغرب وافتكرت حاجة شخصية بكتني كتير
ادعي لي أتعافى منها 🙏🏻💚
يوم عادي في عافية و ستر من الله ودي منة كبيرة ولله الحمد
نمت شوية بالنهار و حلمت إني بقول أنا لله و إنا إليه راجعون و كنت بجزأها و بركز كلنا لله
إنا لله
إنا بأفكارنا وأحلامنا ولحمنا وعظامنا وماضينا ومستقبلنا وما أضحكنا و ماأبكانا لله
أنا ما أعرفكش/يش بس شكراً لسؤالك، من زمان ماحكيتش يومي، ولا حد سألني عنه 🌱
شاركوا يومكم وهكون ممتنة🌹
+ 4 💬 messages
read all
مشكلة الأسئلة دي إن السياق بيفرق لو دي مامتك ولا خالتك يفرق لو زميلتك في الشغل او اختك او مرات اخوكي
يفرق كمان هي ايه وصلها لكدا ؟ هل دي طبيعتها ؟ ولا فعلا انتي غلطتي و دا رد فعل سيء على موقف أسوأ؟؟
لانها لو شخص سيء للدرجة دي فحل انك تقطعي معاها خالص ممكن تعمليه 🤷🏻♀️
خليكي منصفة و اتعلمي تراجعي كل الحقائق في الموقف بترتيبها زي ما حصلت
حقيقي لكل موقف و سياق تصرف
فاقعدي كدا شوفي ايه اولوياتك و تتعلمي ايه في علاقتك بيها لنفسك و لقدام
الانسب عشان ما تضايقيش تفتحي الموضوع و الجرح ينضف و يعتذر المخطئ و يراضي الطرف المحقوق قدر المستطاع
رد الحقوق أصله بيريح البال زي اخدها بالظبط ويمكن أكتر :)
+ 3 💬 messages
read all
مساء الورد
حمد الله على سلامتك من العلاقة المتعبة دي، اشغلي قلبك بالله أحسن، مدام الموضوع بينكم مرَضي ولا أخلاقي للدرجة دي فدي علاقة حرام فيها الحنين، سيبيه لله، و عند الله تلتقِ الخصوم، النصيحة المعروفة بلوك في كل حتة فعالة و لو تعبانه احتمال تحتاجي علاج نفسي فترة.
عندك حق تحتاري، يمكن لو في خطوة رسمية مشاها تجاهك تهدي، الالتزام بيدي الست نوع من الأمان والاستقرار، الشغل بيلهي الراجل فعلاً انما مش للدرجة اللي بتوصفيها، الراجل لما بيحب ويتعلق بيبقى بيقلق عالبي بيحبهم، مابيستحملش يتعبهم و يقلقهم يوم و اتنين و عشرة خاصة إنك وضحتي، لو هدي نصيحة بطلي تكلميه لحد ما يكلم أهلك، و اتعاملي مع وجع خوفك من فقده دلوقت أحسن، و ادعي ربنا يرحمك ويبينلك الخير
+ 1 💬 message
read all
الحماية الزايدة وراها قلق، عالجي قلقك واقبليه وافهميه.
+ 2 💬 messages
read all
(مفيش في الحب غصب مع إن الحب غصب )دي كلمة من مساسل اهو دا اللي صار
الحب كله حرية، اللي بيحب بيعرف إنه بيحب لما بيهرب لآخر الدنيا ويكتشف إن قلبه لسه متسلسل عادي.
ربك نفسه قال فمن شاء منكم فليؤمن ومن شاء فليكفر فأنهِ إنسان دا اللي ممكن بالعافيه يحبك ؟
هتهدي كدا كدا :) مفيش حد بيقضل على حاله
اتمنى لك لما تهدي تهدي عشان كبرت و قدرتِ تسيبي حبل المحبة بايد اللي خلقنا، احنا في الآخر عباده يحدف في قلوبنا الحب او يشيله احنا عباده، مجرد عباد، الطريقة التانيه هي الوجع ماهو اكتر حاجة بتوجعنا اننا نتمسك ونعافر ضد اللي مش بايدنا لا نتحكم فيه ولا نقاومه.
تجسيد مادي للفكر والعاطفة والقيم والإنسانيات كلها بشكل يبرزها ويأصلها ويثيرها في الذهن والوجدان
معلش، الحزن حقك، الأمل أصله أما يقرب وندوق حتة منه ويتاخد مننا تاني بنتوجع
واحنا في الدنيا عموماً بنتقلب بين اختبار بالمنح و المنع، وسؤال ليه دا حصل أو ليه حصل من الأول مؤلم وملح
لحد ما بهدى قلبك وتبرد نارك هتحتاجي تبكي وتطلعي مشاعرك وتفوضي امرك لله، ملك يتصرف في ملكه، حكيم يدبر أمر عباده كما يشاء، في النهاية الأقدار بنتعامل معاها بالقبول و الرضا حتى جوا العلاج النفسي :)
تلمسي لله فضله في ان الأمر انتهى بدري، و انك لسه صغيرة، وقولي لنفسك كلام طيب حنون، ربنا يحفظك ويجبر كسرك.
+ 1 💬 message
read all
هقولك على فكرة لطيفة بعدها قرري محتاجة معالج أو لاء
بعد ما ( اول ) تصحي كل يوم اكتبي ٣ ورقات في اي حاجة جايه في افكارك او بالك
بعدها بشهر اقري اللي انت كاتباه
لو افكارك لقيتيها سلبية ومتكررة في موضوع معين روحي لمعالج ساعتها افتحي الموضوع دا
و لاحظي اي حاجة معطله في حياتك( النوم /الشهية /التركيز في العمل /الرغبة في الحياة ..
على حسب انت حاسه بايه و عاوزا تعملي ايه و عدى قد ايه وقت بعدها و درجة قربك منها قد ايه..ولسه شايلاله مشاعر ولا خلاص..
الجملة لو هي بس كدا
فدا حقه وحقها و حقك تزعلي برضه!
خدي جنب منهم مدام مشغوله باللي حصل لحد ما تهدي.
