أنا عايزه حد يحبني بعيوبي وبخوفي وب فوبيا القرب من البني ادمين اللي عندي ، حد يحبني ويثبتلي ده بكل مافيه من قوه ، حد مايكونش عندي هاجس خوف إنه ممكن يمشي ، حد يطبطب علي قلبي المتعور ويمشي معايا في الطريق اللي عليه إزاز ، أنا عايزه حد يطمني ، يطمني إنه مش هيمشي وإنه هيتحملني لما أتعصب وأنهار في أي وقت ، حد في عز ماهو مشغول في يومه يكلمني علشان بس يعرف أنا بخير أو لا ، حد يخطف من يومه المزحوم ساعه واحده بس يشاركني فيها فنجان قهوه وحكايه أحكيهاله بكل أريحيه ، حد يكون حافظني وعارفني ، حد في وسط ماهو عنده إلتزامات قد الدنيا يروح يجبلي ورده وحده بس يقولي حبيت أفرحك علي قد مقدرتي ، أنا أدفع نص عمري وأكون رقم واحد في حياة شخص يحبني بكل خوفي ويطمني 💙نهال الراوي
لما حد بييجى يعتذرلي او يوضحلي سوء تفاهم حصل بينا مبعرفش اتعامل معاه انه غلطان وبكتفى بأنى اغير الموضوع واحسسه انى خلاص مش زعلان منه والموضوع انتهي. وحقيقى مجرد الاحساس بالذنب وانه كلف نفسه بأنه ميسبنيش لنفسي أخبط دماغي فى الحيط وجه يطيب خاطري دى لوحدها كفيله انها تنسينى أى زعل بينا والله
طالما خطبت او ارتبطت او حبيبت.. ياريت متعرفش واحده عليها تحت بند صحبتي مجرد اللقب بيضايق والله... هي واحده بس اختارها ما بين ناس كتير تكون صحبتك واختك ومراتك وكل الناس 💙💙
سلفتي هتولد أن شاء الله كمان أسبوع
خطيبي هيبعتلي فلوس عشان نجيبلها خاتم دهب للبيبي .. انا بقى عايزة اجبلها هدية بيني وبينها هي تكون مني ليها .. هي كانت جايبالي لما اتخطبت شنطة شيك جدا .. ولما هي سافرت ونزلت جابتلي بجامات وقميص بيتي و٢ بارفيوم واسبراي
عايزة اجبلها هي حاجة مش للبيبي
برأيك أجبلها إيه