ممكن تقولي حاجه تطمني؟
قل يا عبادي الذين اسرفوا علي انفسهم لا تقنطوا من رحمه الله إن الله يغفر الذنوب جميعا إنه هو الغفور الرحيم
Ask @amlghre
نفسيتي زفت انا ف صيدله ولسه اسبوع عن الميد ومش عارفه اذاكر وكنت مأجله ماده وهمتحنها مع ماده من ال عندي ف نفس اليوم اي الحل والله م قادره اذاكر وكل اما اجي اذاكر حاجه تقولي انتي لسه جايه تذاكري دلوقتي
الاحساس دة بيتواجد ، و بنشعر بالتعب لأننا بشر و بنكتأب و كل الحاجات دي و الي ذلك ، بس طول م احنا بنتكلم بس من غير أفعال مفيش شئ هيتغير ، طول م احنا بنوهم عقلنا ب أننا مش هنقدر عقلنا الباطن هيتسستم علي كدة و هيوهمنا و يتعود معانا علي الكسل و الانكسار و السلبية ، عاوزة حلول ، اولا مفيش شئ بيتغير من ضغطة زرار ، قومي اتوضي و صلي أو قربي من ربنا عموما أيا كان دينك ، اقراي قرأن مثلا ، غيري مكانك و طريقة مزاكرتك ، شوفي حاجة او حد يساعدك علي المزاكرة و الانجاز ، اعرفي انك لو انجزتي ٧٠٪ من اللي عندك هيبقي احسن من انك تدخلي ٠٪ يعني انجزي ما يمكن انجازة و اسعي بنية صافية و سيبي النتيجة علي ربنا ، طبعا معرفش شخصيتك ولا موقفك كليا عشان اعطيكي حلول أكثر ، بس عموما ربنا ييسرلك امرك و يكرمك و يهديكي .
هو احنا بنحط مع البسله جزر ليه ؟
نفس السبب اللي بيخلينا نحط بسله مع الجزر
Related users
في علم النفس : الانسان بيحتاج من ٤ الي ٧ سنين علشان يتجاوز فقدان شخص بيحبه !.
علي الجانب الآخر ، عندما يريد الله شي يقول له كن ف يكون
الشخص إللي حاطط لنفسه حدود ف كل حاجه بتشوفه مُعقد ولا متربي بزياده؟!
علي حسب طريقة تطبيقة للحدود دي ، بس الاحترام أو التدين مش تعقيد
ممكن تعجب ب شخص من غير م تشوفه؟
حبينا رسولنا صلي الله عليه وسلم بدون م نشوفة ، عمر بن الخطاب و غيرة ، بس حوار حل كعلاقة الله اعلم بس فاكس
الانسان بيتعافى ولا بيتأقلم؟
الاتنين موجودين و حسب تعبة و توفيق ربنا لية بقي بس للاسف في الأغلب بيتأقلم و ينتظر حد هو اللي يطلعة من الحاله دي 🤝
عندي سمكة بربيها وعاوزه اسم مناسب ليها🙂
سمسمة زي السمكة بتاعت فطين في مسلسل اللص والكتاب
وحشتيني
و لو كل اللي عارفينك قالولك انس منفعكيش
انا بشتغل وجوزي الحمد لله بيعملني حلو بس هو شايف أننا مقصره معاه ومع الاولاد و طالب مني أننا اعد من الشغل عشان الاولاد وانا خايفه اخد خطوه واندم عليها وماما بتقولي متسمعيش كلامه وانا مش عارفه اعمل ايه والحمد لله جوزي ربنا كارمه من واسعه ومرتبه مكفينا وزياده وقعادي مش هيأثر في حاجه تنصحوني ب ايه؟؟
أنصحك أن رأي امك ممكن يخرب بيتك عادي جدا في ستات خرابة بيوت حتي لو امك ، انصحك انك تعيدي حساباتك و تتكلمي مع جوزك لوحدكم بهدوء و تشاور عشان توصلي لافضل نتيجة و خل يرضي الجميع ، انصحك تعيدي حساباتك و ترتبي أولوياتك ، في وجهة نظري انا متعمليش الشئ عشان فلان عاوزة لكن اعملية عشان هو دة الصح و دة المنفعة العامه و بلاش عناد ، اظن شيلتي مسؤلية اطفال تبقي قدها و توفري ليهم اللي محتاجينة و مش بس انتي لا و الزوج كمان بس فعلا والله الدور الأكبر في البيت للام ،شوفي هتقدري تعملي واجباتك و توفقي و لا انتي هتفضلي مقصرة ، و من الاخر سعادتك مع مصلحة اولادك و الحصول علي حياة هانئة مع زوجك أولي من الشغل لو هو اللي مآثر *
إذا كنت مستيقظا ضع رقم من ١ لـ ٩٩ هناك رساله لك بالخاص .. -" ❤️
35
+ 1 💬 message
read all
هو انا ممكن احب تاني بعد ما اتكسرت
المفروض تناقش مع نفسك اي اللي اتعلمته من التجربة دي عشان التجربة الجاية تحاول تنجح فيها
جربت احساس ان يتنكد عليك في ايام المفروض تفرح فيها ؟
😂😂😂😂😂 الحمد لله علي كل شئ ياعم بقي
مشاعرك هتحمض 😂
هسخنها للي يستاهلها اعم 🙂
عندك انهي عادة من دول طرقعه الصوابع،،هز الرجلين،، اكل الضوافر.!👀
كلهم 🤝
محتاجه حد يتكلم معايا دلوقت 💔
مااذا يحدث + الظهر اذن صلي و اتكلم مع ربنا لم مش مسلم عادي خالص علي فكرة شوف اي ممكن تعمله زي الصلاة أو الكلام مع ربنا برضة
ايه السن المناسب للجواز بالنسبالك؟
لم الراجل يحس أنه قادر يشيل مسؤلية، لم يبقي عقله ناضج كفاية ، لم يبقي مستعد و عارف هو داخل علي اي مش مجرد اصلي شهوتي قتلاني ، لم البنت تبقي قادرة تربي و عندها من الوعي الكافي اللي يخليها تدير بيت ، لم تبقي برضة مستعدة تشارك واحد ف مسؤولية البيت مش بس الشهوة اقسم بالله هتفرتكني و مش قادرين
ليه الجيل دا مكتئب اوي بشكل دا!!! حصلنا ايه!
رأيي أن جيلنا دة ،، بعد عن ربنا اوي ، الأهالي في الجيل دة مش كويسة ، مجتمعنا مش مساعد علي التقدم و الرقي و الادب ، إنما مساعدنا علي الشمال و القرف بكل انواعة ، جيلنا حرفيا بيتحارب من دول و منظمات و مش تكبير و تعظيم ، إسرائيل قالت عشان نوقعهم لازم نضيع المرأة المسلمة ، عندك ارهاب ، عندك رئيس دوله والله انا م اعتمدة كفتجي ، كتير اوي ياعم والله خصوصا في سني تحت العشرين بالذات حاليا ، لو فضلنا نعد أسباب منقول كتير بس لازم نعترف أن في جزء من الخطأ علينا و علي العالم المحترمة قبلنا اللي سلمتنا البلدو الدنيا بالمنظر دة لا و بيلومونا كمان ، بس الحقيقة اللي لازم يتم الاعتراف بيها أن جيلنا بيموت مش مكتئب أو هو مات اصلا و شكلنا بقي كبير اوفر مش بس مكتئب بقي ، بس الحمد لله علي كل شئ بس مش علي الظلم و مش راضي عن الظلم 🤝
Black or white وهسالك سؤال صعب تجاوبه
Black
مش هوا لكل مجتهد نصيب ؟؟؟ انا اجتهدت جامد و مااخدتش اي نتيجة ، و لا اخدت حتى على اد تعبي
مش لازم نتيجة اجتهادك دي تكون شئ مادي ، يمكن لسة مش دة الوقت المناسب لانك تاخد ، طب تخيل مثلا أن ربنا يعطيك علي قد تعبك انك تدخل الجنة مثلا او أن منزلتك و مرتبتك ترتفع ، نتيجة تعبك دي تيجي ف وقت انسب من دلوقتي مثلا ، تعبك و مجهودك عمرة م يضيع يمكن ربنا منع عنك بلاوي كانت ممكن تحصلك الله اعلم ، الاهم انك تصبر و تعرف أن ربنا عادل ، و تثق في ربنا
لو شخص طيب وصريح لكن أهله شداد هل ينفع أكمل معاه؟ ولو طلبت فسخ الخطوبة هل كدا برفض نعمة عشان نادر لما ألاقي حد طيب وع الفطرة؟
لو مش مستريحة في علاقة اعطي فرصة و اتكلمي و فضفضي بطريقة طيبة و لكن لو عدم الراحة استمرت لا خلاص شكرا ،انتي ليكي في الراجل دة و هل هو كافي و هيريحك و يتحمل مسؤوليتك و كمان هو كويس ليكي ولا لا لكن أهله بقي دي جزئية تانية لازم ليها شرح ، بس متسمحيش أنهم يتدخلوا اوي لأنها حياتكم ، ف اطلبي تقعدي تتكلمي معاه و قولي حابة افضفض معاك شوية و ابدأي اتكلمي بقي بس بطريقة محترمة و مش جارحة فهمية انك موجودة بس في شي مضايقك حابة تتكلمي مع خطيبك في و تشاركية ، و بهدوء لأنها قعدة صلح
لو كنت اتقدمت لواحده وباباها قال بنتي مش هتتخطب غير لما تخلص هو كده رفض بشياكة ولا اتقدملها تاني دلوقتي عادي؟ *انا وهي في طب وكنا لسه في رابعه
اتقدم عادي و ابذل مجهود ف سبيل الوصول و سيبها علي الله يعني بس اتقدم
ممكن تبقي من جواك بتموت وبتنصح إلى حوليك يكملوا ؟
😂😂😂😂 لية ياعم الشاوت دة بس ، الحمد لله علي كل شئ
Liked by:
salma
هو ايه اللى يعيبنى كبنت مطلقه 💔😔
إنك بتنتبهي لكلام الناس اكتر من رأيك ف نفسك أو من كلام ربنا مثلا
متبقيش صريحة الصراحة بتزعل الناس منك
خلاص يسطا هبقي كداب ف ازعل ربنا مني
Next