الإعتياد ف الأغلب بيقلب حب يعني لما نتعود ع حاجة ونستمر عليها كتير بنحبها.. أما الحب ده شعور بيخبط القلب كده مرة واحدة من غير سبب ومن غير استئذان حتى.. وجهة نظر مش أكتر 😅🌸
البنات اللي بتكره اللي بيتقدملها دا اصطناع ولا فعلا
أحيانًا بيكون فعلًا.. والسبب الأساسي إن بيكون في هدف تاني غير الجواز زي التعليم مثلًا اللي متعذبين فيه ومش هناخد منه حاجة 😂💔
متعبريش الاشكال اللى ملهاش لازمه هترتاحى
بنعمل اللي علينا لآخر لحظة معاهم وربنا يصلح الحال والله..🌸
لا انتي اتكلمتي عني وموصلتش حاجة غلط وعملتي نفس الحركة ف كذا شخص تاني
ع العموم انا مسامح خالص ف حقي وادعوا الله عز وجل أنه يسامحك بس رجاء وياريت متحصلش مع حد تاني لان الكلام بياذي بطريقة وحشة خالص
هدانا وعفانا الله وإياكم🙌🙂
مبدئيًا كده من طريقة الكلام إنك أنون ولد مش بنت .. طيب هقولك ع حاجة صاحب الحق أحيانًا بيضيع حقه من إيده زي ما انت دلوقتي بتعمل كده بالضبط يعني لو ليك حق وشايف إني اتكلمت عليك أو على غيرك زي ما بتقول تيجي تواجهني وتقولي قولتي كذا وكذا ووقتها بقا هتعرف إذا كان حصل أو لأ.. وهقولك ع حاجة كمان والله السنة دي مش فاكرة خالص إني جبت سيرة حد ولا اتكلمت ع حد وخصوصًا كمان إنك ولد ف دي حاجة والحاجة التانية إني مكنتش مركزة مع حد ولا فاضية لحد بالمعنى الحرفي علشان كان معايا حاجات كتيرة وكنت شاغلة نفسي بنفسي وبس.. لو شايف إني اتكلمت عليك فممكن يكون ده ف سنة أولى علشان كنت بحكي كتير مع البنات أو زي ما تقول كنت هبلة وبثق ف الناس بسرعة.. فخلاصة ده كله لو شايف إني فعلًا اتكلمت عليك إحكي اللي حصل مني ولو مفيش مشكلة ممكن تظهر اليوزر وده هعتبره شجاعة منك ع فكرة.. وربنا يهدينا ويصلح حالنا جميعًا..🙂
هـل سبق ان نظرت في وجه شخص مآ و اردت فقط ان تنظر اليه الى الآبد؟
قريب وإحنا وبنختار فستان الفرح لأختي قابلت واحدة من عندنا حاليًا ف تالتة إعدادي وتقريبًا كان ليا تلت سنين مشوفتهاش.. المهم بقيت أقول ما شاء الله وانا وبكلمها مركزة جدًا ف ملامحها وكنت حاسة إنها ملاك ومش عاوزة أطلع من الأتيليه والله من كتر ما عجبتني..😅❤️ بعد ما مشيت بقول هي البنت دي ازاي قمورة كده راحوا كل اللي معايا قالولي وانتِ قمورة وأحلى منها كمان قولتلهم بجد والله..😂❤️ بس فعلًا يمكن أكتر مرة أركز وأحب ملامح حد كده ومكنتش عاوزة أمشي وكنت حابه إني أفضل أبص عليها للأبد..❤️✨ #بسمة وهي بسمة..🌸
ايه جزاء من يتكلم عن حد ف ضهره؟؟
دي ممكن نعتبرها غيبة أو نميمة ع حسب الكلام اللي هيتقال ف الموقف بس الاتنين حاجة مش كويسة وربنا شبّه النميمة في القرآن وكأنك بتاكل لحم الشخص..💔 والمشكلة كلها ف النساء لما يجتمعوا ويجيبوا ف سيرة ده وده وف الأخر يقولوا ربنا يصلح الحال طاب كان فين ده من الأول..😅 حلو أوي لما تاخد الخطوة وتجاهد نفسك الأمّارة بالسوء وتبطل تجيب ف سيرة الناس ومرة ف مرة والله هتتعود ع كده^^ وربنا يصلح حالنا جميعًا ومنبقاش من أصحاب النميمة ويهدينا إلى ما يحب ويرضى..🌸