يروى أن رجلا قال للشيخ ابن باز رحمه الله ياشيخ فلان انتكس قال الشيخ : لعل انتكاسته من أمرين : لم يسأل الله الثبات ولم يشكره على الإستقامة .. 💖
يامثبت القلوب ثبت قلوبنا على دينك ❤
#جمعة خير 🌹
كتير بمرق علينا ناس بحياتنا , بنشوفهم متعذبين من الحب , بنقولهم طيب فركشوا , فكروا بحياتكم , كونوا مع الناس اللي بتحبكم واللي منيحة , وهما مش راضيين وحتى أنهم متمنيين لو أنهم يعيشوا هما وهالشخص الغلط تحت سقف واحد , تحت مسمى " الحب " .. هاي الناس دائما ملامحهم بتكون تعبانة , دائما عايشين جو التوتر والخوف , دائما عقلهم بحاول يقنع قلبهم أنه هاد الشخص غلط , أنه أنت لازم تبعد , أنه اللي بتعمله بحالك نهايته مش مضمونة , بس عالفاضي , بتلاقي قلبهم عنيد رغم أنه كرامته انجرحت , وحابب هاد الغلط لدرجة الإدمان .. الإدمان اللي بخلي الواحد موجوع , بس بعشق هاد الوجع ..في منهم , الأمور بتمشي معهم وبعيشوا تحت سقف واحد , بس غالبا بعد فترة بسألوا حالهم " أنا شو عملت بحالي " وبشوفوا أنه القلب بلا عقل ما بكفي أبدا مشان يفتحوا بيت ويبنوا عيلة وبتكون نهاية هالحب يا فراق كبير يا أنه بتحول لكره , ومنهم الظروف بتكون قاهرة " بالنسبة إلهم " والنصيب ما بخليهم يعيشوا تحت سقف واحد .. وغالبا بعد فترة ولما ربنا يجمعهم مع الشخص الصح ويبسطهم ويهنيهم ويكون إنسان متوازن , بتلاقيهم بحكوا " الحمد لله 100 مرة مش مرة " وبتلاقيهم بسألوا حالهم " أنا كيف كنت بدي أتحمل أعيش عيشة أسوأ من هاي , بل أقل من هاي .. وبعد فترة بنسوا كل وجع القلب وبعيشوا حب لطيف.. ------- لازم الناس اللي بتتعلق بالشخص الغلط , وبس بكون الحب هو اللي رابطهم , بدون تفاهم , بدون راحة , يعرفوا كيف يكونوا أقوى من مشاعرهم , مشان لقدام رح يعرفوا أنه الحب مع التعاسة نهايته رح تكون بشعة ومؤذية نفسيا , ورح يعرفوا أنهم كانوا عايشين عذاب مش حب ..وأنه النصيب الحلو أنك تكون عايش مع الإنسان الصح .. 👌💚#بيان_عواد