- هلاك ! مبظُنش أنك مهلوك قد وحدة تشوف حالها بكل أنسان بس تيجي تفتش بنفسها متلاقيش حالها، قد وحدة تحضن الزاوية بالعتمة وتترك النور والمقاعد كلها لانه " مبيحتويهاش" قد وحدة وحيدة كل الوحدة وتلملم شتات قلبها مِن كل زاوية غفيت بحضنها، قد وحدة تلجئ للموسيقى والنوم لتهرب مِن عالم أبداً ما بناسب روحها المنطفية، قد وحدة توقف على أجريها وتوقع توقف وتوقع وبالنهاية تركي على خرابها وتفضفضله وهو بده مين يصلحه، والأكثر مِن هيك مش قد وحدة مشتاقة، تعبانة، فاقدة، مهلوكة، ضايعة، تايهه،وتهرب مِن حالها عشان متتذكرش أشي بتحاول تنساه، ومش قد وحدة تعمل للصور اللي تواسي نفسها فيهم Delete وترجع تضعف وتروح على Diskdigger وترجع الصور وتسرح سرحة أخريتها نومة ووجعة قلب فما عليك مِن كل هالحكي أنا بس أشتقتلك لا أكثر . #حلا_أبو_صوي.
- مرحباً بصراحة مش لازم أحكيلك مرحبا ولا لازم أغلب حالي وأكتبلك هالأحرف كلها كان لازم أكتبلك " مُر حُباً " مُر لأني أشتقتلك ، مُر لأنه أتعبت أتخيلك، مُر لأنه تعبت أضم كل زاوية ومكان ووقت وصورة لأني بشوفك فيه وهو مُجرد وهم، مُر لأني كل ليلة أحبس كل أنفاسي عشان ما أبكي وأحكي جواتي معلش بُكره يرجع ! معقولة بكرة لسا مجاش؟ معقولة الـ 24 ساعه صارلها سنتين بتستنى بُكره ليخلص؟ يكفي أعذار ، يكفي حكي ، يكفي كلشي تقدمه وأنتَ بعيد ما يفيد والله ما يفيد، أه ! أ ش ت ق ت ل ك ، لأخر مرة أحكيلك أياها مُر حُباً لأني أتعبت أتخيلك بكل شارع ! 😔
#حياتنا .....🙈🙈🙈 👇👇👇 في امور بحياتنا بنفكرها سبب سعادتنا بس اللي لازم نكون متأكدين منو انو ربنا بعدها عنا قبل ما تكون سبب تعاسة وحزن النا , هالدنيا وصعوباتها واحزانها وعثراتها ما بتهزمنا ولا ممكن تغلبنا الا ازا احنا استسلمنا , رح نجتاز وجعنا وبأمان وسلام , خلي الامل يضوي حياتك وينورها , ربك ما كسرك الا ليجبرك وما ضعفك الا ليقويك ويخليك توعئ لحالك وتحضن وجعك وتلملم حزنك وضعفك ويتجمعو ع بعض ليعطوك قوة ما تنهز بيوم من الايام , وما بكاك وقهرك الا ليضحكك ويفرحك فرحة من قلبك ما تنساهاش بكل تاريخ حياتك , ربك ما بحيي فيك امل ولا بضوي جواك اشي الا ليحققو يمكن بوقت تاني او مع شخص تاني او باسلوب وطريقة تانيين , كلشي مستحيل ممكن يصير واقع بدعوة وثقة برب كريم رحيم حنون قوي ,,💙 وربك مستحيل يخيب املك فيه ودعوتك الو 💛💛💛💛
تسدقو و تآمنو بالله ... واحكو انسانة عايشة ع أوهام ... بس والله والله كل ما شفت الامر اللي بدك اياه او انت عم تدعيلو وكلمالك بتشوفو عم يخرب وعم يتعسر اعرف ساعتها انو ربنا نولك مرادك و رح تاخد اللي بدك ومتل مبدك وبالشكل اللي بيرضيك كمان ... طب ليش مهو مبين متعسر و مو زابط ... مين حكالك ؟! يمكن ربنا استجابلك من زمان وحالياً بهيألك الاسباب حتى تاخد اللي بدك اياه بس بشكل مريح يحفظلك قيمتك لانو ربنا لما يعطي عبدو نعمة وهدية بحب انو يعطيه اياها بشكل كامل وجميل وله الكمال والجمال سبحانه وتعالى 😍😍😍 وبعدين ربنا ما برد إيد انمدت ودعتو لو دعوة وحدة ، فما بالك لو كانت دعوة بتدعيها من شهور وسنين بلياليهم 😉👌 طول ما انت حاس حالك عم تدعي بدون وعي والدعاء طالع من نفسك وقلبك اعرف انو ربنا بدو يستجيبلك بس حاب يسمع صوتك ... ضل ادعي والله رح يستحيب ... اوثق بكلامي والأهم توثق بوعد ربنا " ادعوني استجب لكم " ... وكل امرك للكريم ... فهو القادر الذي لا يهجزه شيء 🌸❤ #Malak_kh ...