مساحه 📝💙
امي كانت دايما تقولي محدش هيحبك قدي ، لما كانت تشوفني بس قاعده مخنوقه وتسألني مالك كنت بشوف دموعها ساعتها كنت بقول دي هي امي وحبيبتي وصحبتي بتعيط ع زعلي . كنت كل ما ادعي ربنا كنت بقول يارب متورينيش فيها حاجه وحشه يارب اجعل يومي قبل يومها بس ربنا مستجبش وهي فارقت دنيتي قبل ما انا افارقها بس والله ف اليوم اللي هي فارقت الدنيا فيه انا كمان فارقتها . مش باقيلي غير شوية ذكرايات ما بيني وبينها ضحكتها وهزارنا وخناقاتنا ، دا انا حتي فاكره اخر مره بصتيلي فيها لما كنتي بتودعيني مكنتش اعرف ان دي اخر مره هشوفك فيها طب احمد اقوله ايه لما يكبر ، هفضل احكيله عنك وعن ذكراياتك معاه هقوله قد ايه انتي كنتي بتحبيه ، كنتي عكازي وضهري اتكسرت من بعدك بس الكسره دي عمرها ما هتشفي ، صوتك لسه بسمعه مع كل موقف ، كل كلمه وكل حركه وكل مقلب وحتي وقت ما كنا بنتخانق كنتي بالنسبالي كل انتصاراتي بس دلوقتي انا بقيت بخسر حروبي من قبل حتي ما اشارك فيها ...
ربنا يرحمك يا جنتي 💙
*يابنتي محدش هيحبك قدي*
ربنا يرحمك يا جنتي 💙
*يابنتي محدش هيحبك قدي*