انا شخص تقريبا سئمت من الحياه، كل لما اكبر ف السن حياتي بتبقي اسوا. مستوايا ف اي حاجه بعملها بيقل، دراسه، كوره كهوايه يعني مع العلم انيزف كليه صيدله بس بتالم من جوايا عشان شايف نفسي بتغير للاسوا ومش عارف انمي اي مهاره عندي ومليش صبر لمعرفه اي معلومه عكسزقبل كده ده انا كنت بذاكر ف الاجازه
- الموضوع دا محتاج تأديب نفس عميق . انتا تقعد مع نفسك وتربيها
حلو جدا انك مش حابب دا و انك عايز تتغير للاحسن برضو لازم تبقي عارف ان كلنا بنمر بفترات بنكون فيها فى احبااط و سلسله فشل متواصله و اللي لو سبنا نفسنا فيها هتكون النهايه مأساوية..... بس اللى لازم نعمله اننا ندور فى ضى النور للي فى نهايه الطريق ....ندور علي اى حاجه تشدنا من الطريق اللي احنا فيه دا .....السبب اللي ممكن يخليني امسك فى الطريق اللي فخور بنفسي زى معملت فى الثانوى و كنت فخور انك دخلت صيدليه......اعمل الحاجه اللي تخليك فخور بنفسك.....و ان فى ناس بتحبك مينفعش تخذلهم🌻
والله يا فنان دور على السبب واكيد فيه حاجة مترتبة عليها كل ده. لكن مفيش حد مفشلش ومفيش حد طلع السلم من غير ما يتكعبل على درجاته.. اعمل اللي عليك وخبط شوية ولما انت تحس انك بنعمل مجهود نفسيا هتهدي.. وربنا معاك ❤️
بص يباشا كدا وصلي ع النبي ف حياه كل انسان بتجيله كبوه يا تقضي عليه يا قاوم وترفعه فوق السما مهما كانت المشاكل والدوشه واستغرابك لنفسك اياك ثم اياك تفقد امل او تقول مش هنجح او هتفشل هو مبدأيا مفيش ناجح مفشلش ومفيش حد وصل لسلامه النفسي بدون معارك المذاكره شغف وانت شغفك فيها بدأ يروح هقولك انت ف صيدلة صح فأقل حاجه هقولها متضيعش تعب سنين عشان كبوه ارجع لربنا هيساعدك وينتشلك من اللي انت فيه ايا كان حجم ابتلاءك ربنا يريح قلبك ويهديك 🖤🖤
طيب بين اليوزر بتاعك ونتكلم ونشوف حل كويس واشجعك تتغلب ع المشاكل دى ازاى
