انا بحب وحدة زميلتي في الكلية بس مش متأكد هل هي بتبادلني نفس الشعور ولا لأ؟؟
وناوي اتقدملها بس انه صعب وممكن تحصل مشاكل لو هي مش موافقة فأنا عايز اعرف رأيها الأول.
انا بجد اتعلقت بيها جامد لدرجة ان يومي كله مبفكرش غير فيها.
حاولت أكلمها بس بتكسف منها وحاسس اني معنديش جرأة!!
وخايف اندم اني مقلتلهاش!
ياعم انت مش عاوز تتقدم !! ما تسألها مكسوف من اى انت كمان 😂
تجيب رقم ابوها وتتقدملها غير كدا لا
لازم تكلمها قبل ما تعمل خطوة زي دي علشان لو الشعور مش متبادل فعلاً هتبقي مشكله بالنسبه ليك خصوصاً لو متعلق بيها ... بص لو في كلام ما بينكم اطلب منها انك عايز تكلمها في موضوع وكون صريح معاها وقولها نيتك وكدة وشوف ردها دا الحل الوحيد في المواقف اللي زي كدة ولو ليك نصيب فيها اكيد هتكون ليك يعني ادعي ربنا بقي🌸
طالما ناوي علي الحلال، يبقا كلمها ، علشان فرحة الفوز وتحقيق الغايه احسن من مرارة والم الفقد و الندم بعد كده ❤
معلش..
اتوكل علي الله.. وطالما ناوي خير فسيأتيك الله كل خير ✋🌸
خليك شجاع يلا
أخت حضرتك تكلمها وبعدها لو وافقت أن شاء الله حضرتك فورا تكلم والدها.. رفضت وكأن شىء لم يكن..
ممكن تتوكل علي الله علطول وتتقدم
ومش هيبقا في مشكلة ان شاء الله
وتبقى دخلت البيت من الباب
بدل ما تكلمها وممكن حد في الكلية يتكلم عليها بطريقة مش كويسة
ولو يا سيدى رفضت بعد الشر يعني
اطلب من أهلها تتكلم معاها في النور
بدل ما تتكلم معاها في الضلمة وكأنك عامل عاملة
وربنا يوفقك
خليي عندك الجرأه بكدا بدام عايزها بجد