ابيك بكلمةٍ لو هي خطا ! تغفر لي الزلّة وردتك ضاميٍ وان عَزّ وصلك باقطع حبالي احبك . . ذا ترى اول كلامي واخره كلّه ولكن وش يضر اليوم لو تدري عن احوالي؟ وخذ ما جازلك من هالحكي ، واللي تبي خَلّه انا لاقلت مافي خاطري والله ما ابالي ظِلال العاشق جروحه ، ومن مايتبعه ظِلّه ؟ امانه ياشُعاع الشمس لا تنضب من ظلالي قد بعمرك سمعت بعاشقٍ قد مات من غلّه ؟ هذاك الحاسد ، وراعي الهوى تتلفه الامالي وتقدر تغمد السيف الرهيف وتقدر تسلّه ولكن عند خلّاق البريّة علم الآجالي حبيبي ، من يعزك بالغلا ماتقدر تذلّه ترى قربك يزيدك بالغلا ، وان عفتني غالي