اه بس لو هتروح تاكل اول مره خد معاك حد بيحبه.. ومتتطلبش حاجات نيه.. خليك في الشرمب والكريسبي بالجبنه.. والأهم من دا كله يكون ليك في الأكل البحري زي الجمبري والسالمون وكدا.
وكنت أطعمه قمح فؤادي براحتي.. عجباً كيف بات يرضيه فتات الطريق!🍂
انا مبحبش اضحك عشان بوقي واسع اي الحل🙂
انا كنت بضحك من زمان بس من يوم واحده صحبتي قالتلي ضحكتك مش حلو شكلك بيبقي عبيط من يومها وانا كرهت نفسي ومبقتش بحب اضحك🙂
متقوليش صحبتي.. دي واحده مهزأه.. اضحكي عنداً فيها..الناس الصفرا بتحب تحول مميزات اللي قدامها لعيوب وبيشككوهم في نفسهم.. وأنا متأكده إن ضحكتك جميله بس أنتي اللي محاطه بناس غلط.. متخليش حد يأثر عليكي يا بطه🤍
لحد دلوقتى مش قادره انسى تعبى فى 11 شهر وانى كنت بطبق واسهر واتعب وانزل الدروس و يوم النتيجه بمجموع مش مجموعى ولا ده مجهودى ووانا رايحه اكتب رغبات لحاجات عمرها مجت فى بالى بجد مش قادره اموڤ اون من اى حاجه ليها علاقه ب 3 ثانوى فهل ده طبيعى ولا لا؟
طبيعي وعارفه شعور كسرة النفس دا كويس.. هوني ع نفسك ودايماً قولي الخيره فيما اختاره الله.. واعرفي إن الخير بيكمن في الشر فممكن تكوني نفسك في كليه معينه بس أنتي مش هتنجحي فيها أو مش هتطلع زي اللي في أحلامك.. ربنا دايما بيختارلنا الخير إحنا بس اللي نظرتنا ضيقه لكل حاجه.. ولو رجع بيكي الزمن ألف مره هتختاري اللي ربنا كاتبهولك.. بس خلي عندك ثقه في الله.
انا حاسه اني بقيت أسامه منير في نفسي 😂.. ع العموم مين دا اصلا.. ولو مرتبطه بيه قوليله تعالى ادخل من الباب وبطل جو الشقط دا.. معملش كدا اقطعي معاه بجد.. هيبقى بيتسلى بيكي.