على حسب شخصية الشاب دا
لو هى عارفة انه محترم و بيحفظ السر و مش هايسببلها مشاكل ممكن تقولهاله بطريقة غير مباشرة
لكن لو كان شخص غير سوى مينفعش لانه ممكن يستغل دا ضدها بعدين عالعموم الأفضل هو التأنى
.
هو الحب اصلا حرية
اعظم مثال على كدا ربنا لما حبنا كان عشان يدينا حرية و يفك قيدنا من الخطية
الانسان المقيده حريته انسان ميقدرش يعيش طبيعى دايما هايبقى مكبوت هاتبقى علاقة مش مستقرة ابدا
زى عصفور كدا حبسته فى قفص
هايبقى مستنى اى فرصة بس الباب يتفتح عشان يهرب
كذلك العلاقة هاتبقى متوترة و خناقات كتير و السبب الغير مباشر ورا الخناقات دى هو الكبت و تقييد الحرية
من وجهة نظرى الجملة غلط جدا و حاجة وحشة ودا مش حب
لان الحب بيبنى وعمر ما كان تقييد الحرية بيبنى
الموضوع ثقة مش اكتر
بص يا سيدى
لو انا حطيت بينى و بينك ورقه خفيفه هاقدر انى اقطعها و اشوفك
ولو حطيت كرتون هاقدر اشيلها و اشوفك
حتى لو وصلت انى حطيت خشب بينى و بينك هاقدر اكسره و اشوفك
لكن لو انا بينت بينى و بينك حيطه و خرسانة و سديت الطريق خالص مش هاقدر اوصلك
هى دى الحالة اللى انت فيها دلوقتى انت عامل سور بينك و بين ربنا
عشان كدا ربنا اللى جواك مدفون زى خاتم دهب اتكوم عليه تراب كتير فا مبقاش باين غير التراب
انت شايف ان مفيش جواك غير الخطية بس فى الواقع ربنا موجود بس محتاج انك تكسر السور ومحتاج انك تنضف التراب دا
اطلب من ربنا معونة و خد قرار حالا انك هاتتغيير روح الكنيسة اعترف و توب و خليك راجل مع نفسك انت مش طفل عشان تقول مش قادر ابطل حاجة
اطلب معونة من ربنا و تابع مع اب اعتراف كويس خلى اهلك يساعدوك و انت شجع نفسك و حب نفسك متكرههاش
لانك لو كرهت نفسك مش هاتقدر تنميه و تطورها
تابع معانا و قولنا اخبارك اول بأول و احنا هنصليلك
بس صدقنى حالك مش أسوا من الانبا موسى الأسود او القديس اغسطينس او القديسة مريم المصرية
الموضوع كله شوية ارادة و دافع وانت عندك الدافع ناقصك الادراة و التنفيذ
خلى ليك قانون روحى صلى كل يوم و اقرا فى الانجيل ممكن الاول تزهق او تمل او تلاقى مفيش نتيجة او مش فاهم حاجة بس كل دى محاولات من عدو الخير انه يرجعك لماضيك بس انت خليك اقوى منه
وافتكر دايما انك تكسر السوور و تنضف الخاتم
ربنا معاكView more
حقوق او اداب
طب انت روحت ولا لسه ؟ انا اسف عالتأخير
للأسف اللى نقلك الموضوع نقلهولك ناقص بس مش مشكلة انا اكملهولك
اتفضل اقرا وا تمعن
http://drghaly.com/articles/display/10126
وعلى فكرة انا ماليش دعوة بعلماء الاسلام بيقولوا ايه انا ليا دعوة بالاسلام بيقول ايه فقط
والا ممكن اقولك اباء الكنيسة بيقولة الارض كروية وشكرا
خليك موضوعى شوية
بالنسبة للكتاب المقدس فانت بتوضح للناس كمية جهل منك فظيعة لأنك مستشهد بجزء من سفر إشعياء النبى على أساس انه بيأيد ادعاءك الكاذب لكن للأسف جهلك الشديد لم يعطيك فرصة أن تقرأ ما تستشهد به
عزيزى انا مش هاعلق على اى حاجة غير انى هاكتب الجزء اللى من الانجيل اللى بتقول فيه ان الارض مسطحة
"..ألم تفهموا من أساسات الأرض؟ الجالس على كرة الأرض وسكانها كالجندب ، الذي ينشر السموات كسرادق ويبسطها كخيمة للسكن " إشعياء21:40ـ22
شوفت كلمة كرة الأرض ؟ شوفتها كويس ؟
طيب
وبالنسبة لسفر الرؤيا فا السفر كله رمزى و تشبيهى
لا تعليق :D
أما بالنسبة للإسلام وهو الجزء الثانى من الصورة
فا خلى بالك انت لتانى مرة بتغلط غلطة شنيعة ولكن عذرك معروف بص كدا " أَوَلَمْ يَرَوْا أَنَّا نَأْتِي الْأَرْضَ نَنْقُصُهَا مِنْ أَطْرَافِهَا وَاللَّهُ يَحْكُمُ لَا مُعَقِّبَ لِحُكْمِهِ وَهُوَ سَرِيعُ الْحِسَابِ) الرعد/ 41 . "
وأيضاً " أَفَلَا يَرَوْنَ أَنَّا نَأْتِي الْأَرْضَ نَنْقُصُهَا مِنْ أَطْرَافِهَا أَفَهُمُ الْغَالِبُونَ ) الأنبياء/ 44 "
ممكن تقولى يعنى ايه اطراف الأرض اذا كنت بتقول ان الاسلام بيعترف انها كروية ؟ هى الدائرة او الكرة لها اطرف ؟
فى سورة الغاشية الآية 20 بقوله : " (وإلى الأرض كيف سطحت)0
وفى سورة الحجر 19 ( والارض مددناها وجعلنا فيها رواسى )والمدد هو البسط ,وبالبحث فى التفاسير لم نجد اختلاف . فالكل يقرّ بان الارض ممدودة ومبسوطة
طب اتفرج عالفيديو دا كدا اللى بينفى حركة الأرض من الأساس وهو ما يتعارض كلياً مع العلم الحديث
https://www.youtube.com/watch?v=bWRvRiXr3jgView more
انا بالفعل فى الحيرة دى حاليا
وصدقنى مش عارف اعمل ايه
صدقينى انا كنت خدت قرار انى مش هافتح الاكونت دا تانى بس حاجة كدا من كام يوم من جوايا كانت بتلح عليا افتحه
بس بإذن ربنا أوعدك هارجع أرد على الأسئلة تانى و شكرا على التشجيع دا بجد فرق معايا :)