أول اسبوع بحياتِك بدوني مش حتحسي بوجودي، حتنشغلي مع صحباتِك، راح تحكيلهم كيف تغلبتي علي بكبريائك، و كيف عملتيلي حظر و آخر مسج بالمحادثة كان مني، و كنت كاتِب فيه " لا تتخلي عني"بعد شهر حتبلشي تفقديني شوي شوي، حتروحي على قائمة الحَظر و تطلعي على إسمي و تحكي بينك و بين حالك، " أكيد ما راح يتقبلني لو شلت البلوك وبعتلو"بعدين كبريائك حيطلعك من القائمة و بعدها تروحي لصحباتك تحكيلهم إنك ما بتفكري فيني أساسًا، و اني صرت بالنسبة إلك مجرد وقت حلو و راح، و بنفس الوقت يلي عم تكذبي فيه هالكذبة بيطلع صوت من جواتك بيحكيلك:" عرفتي تكذبي عليهم حتعرفي تكذبي عحالك؟"بعد شهور من المقاومة حتيجي عليكِ ليلة صعبة حتروحي فيها لأقرب صاحبه إلك وتعترفيلها بكلشي، تعترفيلها كيف كنتِي غلطانة لما ركبتي موجة غرورك لتبعدك عني، كيف بتشتاقي لاهتمامي، لضحكتي، لصوتي، كيف صار تلفونك مهجور، حتنامي بهالليلة ودموعك معبيّة مخدتك..وبعد ما كلشي فيكِ يعلن استسلامه، وملامحك تصير شاحبة، حتروحي لقائمة الحظر وإصابع إيدك بترجف، لتكبسي إزالة الحظر وإنتِ مغمضة عيونك، وبعدها تفتحي عصفحتي لتطمني عأخباري، تلاقي رسالة حتطلع بوجهك مكتوب فيها." هذا الحساب معطّل" باللّحظة يلي نهيتي فيها هالنص، حتشكري ربّنا إني وصفتلك حالتك إذا ركبتي كبريائك وقررتي تتخلي عني، لهيك يلا نسيب كلشي عجنب ونكمل محادثتنا..🖤