November 12, 2020

#فكر_كدا
عملوا دراسة قبل كدا عن اهم اسباب الانتحار !!! ولقوا ان من اهم اسبابه = ان الناس بتفشل انهم يبقوا زي ما باقي الناس عايزه تشوفهم .. بيفشلوا في fitting it ويحققوا توقعات المجتمع عنهم .. كل لما الشخص يحس انو غريب عن باقي الناس = كل لما يحس ان الناس مش بتحبه = كل لما يحس انو فيه حاجه غلط وبالتالي يحاول يتخلص من نفسه !!
====================================
طبعا الحمد لله ان بلادنا من اقل البلاد اللي فيها انتحار ودا طبعا بسبب الدين .. لكن نفس الفكره دي بتنطبق على الاكتئاب وحالة الزعل اللامنتهيه وعدم الثقة في النفس .. لان طول ما انت شايف ان فيك حاجه غلط بسبب انك مش عارف تبقى زي الناس اللي حواليك .. مش عارفه تبقى زي صحباتك اللي على facebook اللي عمالين ينشروا صور عن نفسهم وهما فارحنين وسعداء (كله بيمثل على كله ) = طول ما انت مش هتحبي نفسك وتعيشي في الم وهمي .
====================================
من وجهة نظري : كل واحد لازم يبني لنفسه عالم خاص بيه كدا لوحده .. عالم يكون انت واحدك اللي يحدد يعني ايه نجاح ؟؟ ويعني ايه فشل ؟؟ انت اللي تحدد مقاييس النجاح دا .. وانت كمان اللي تحدد لنفسك قيمك اللي هتبني عليها مقاييس النجاح بتاعتك .. ممكن واحد يكون عنده الجواز = نجاح .. واحد تاني الجواز = وسيلة للنجاح .. واحد تالت الجواز = فشل لانه مش هيتحمل مسئولية الجواز .. كل واحد في دول مايفرقش معاه لو كل الناس اتجوزوا !! او كل الناس متجوزوش !! .. لو بيقنا كدا = مش هنقلد بعض ولا هيهمنا مين عمل ايه ومين معملش ايه .... واول قاعدة تبني عليها عالمك = هي الموت !! تصدق انك هتموت ومتعرفش حتى هتموت امتى .. بس القاعده دي هتخليك تبني صح ... دمتم سالمين !!!ا