@dohaaaaaaaaa

ضحى هشام

Ask me anything Follow

بدور وراه وعرفت الاكس بتاعته.لقيتها منزله صوره متصوراه امبارح لابسة فيها بليزر اسود قصيروجينز اسود وتوب اسود وطرحه بينك وحزام بينك وفيه حديده فضي ولابسه لونج بوت لتحت الركبة لونه اسود شمواه وشنطه هافان نفس موديل شنط ماما ..قرفت منها اوي ومنه كمان لانها برغم القرف اللي هي فيه ده هي سابته وحسيته مهزق

dohaaaaaaaaa’s Profile Photo
ضحى هشام
Follow
إيه شغل المحقق كونان دا :D
ملكيش دعوة بحد يا ستي واللي سابك سبيه وقتك أغلى من إنك تدوري وراه بالمنظر دا
ومتغلطيش في حد علشان غلطك فيهم بيقل منك أنتِ مش منهم دا غير إنهم هياخدوا حسنات ع قفاكي :D
علشان كدا بنقول للمرة المليون بلاش حوارات وبلاش تدخلوا في علاقات مع حد = اللي عاوزك ويتعرف عليك يدخل البيت من بابه ويتعرف في حدود شرعية
غير دا دا كله تسلية وحرام وإرهاق لمشاعرك الغالية يا بنت الناس

Latest answers from ضحى هشام

خطيبى بيعاكس البنات فى الشارع وهو بيكلمنى ع التليفون ويقعد يضحك ويقولى خليكى رويحه وانا بضايق اعمل ايه معاه

دي حاجة مفيهاش هزار.. خدي موقف واتكلمي معاه بجد إن دا مش هزار وإنك مش هتتقبلي أمر زي دا حتى لو بهزار
لو الأمر لزم دخلي راجل من أهلك ف الموضوع

فرق الكليات سبب كافي انى ارفض عريس ولا لا لو فيه توافق ف كل حاجه تانيه

لأ مش سبب أصلا طالما التوافق موجود يبقى ليه لأا يا جماعة بطلوا عقد

اتلمحلك بالأغاني؟ 😅

ولو اتلمحلي مش هفهم علشان ماليش في الأغاني 😂

بالله حد يرد ، هو ممكن حد من كتر الضغط اللي عليه يبعد عنك وميكلمش أيام كتير عشان مش عاوز يزعلك

مش كل الناس زي بعض.. في ناس بتحتاج تبعد فعلا علشان ممكن انفعالها في لحظة غضب يخسرهم الناس

الي يكلم بنات كتير وهو مرتبط دا بيبقا ناقصه اي ؟

ناقصة دين ورباية يا فندم

متقدملي واحد محترم وابن ناس وبيحبني ومحاسب وانا ف تربيه تمام بس شكلا مقبول انا بصراحه مبصتش ع حاجه ولا اهتميت غير بأنه شاريني بس اهلي بيقولولي انتي يستاهلك مهندس او دكتور او ظابط بس بيبقا النصيب غلاب انا دلوقت اقتنع بكلام اهلي ولا افكني من كلامهم واقبله واشوفه وخلاص

هو حضرتك دا مشروع زواج ولا مكتب تنسيق!
يا بنت الناس هتعملي ايه بمهندس ولا دكتور وتكون أخلاقه ودينه زفت ويبهدلك أنتِ ومكتب التوظيف قصدي أهلك يعني :D
يا بنتي فكك منهم اقعدي مع الراجل المحترم دا وشوفي هل هتتقبلي أسلوبه وطريقته فى التفكير وهل هوعلى خلق ودين ولا لأ وهل فى توافق بينكم ولا لأ وشوفي والله حسيتي انه مقبول خلقا ودينا واجتماعيا زى ما هو مقبول شكلا لو آه يلا اتكلوا ع الله واتخطبوا وفكك من أهلك ومن الشهادات دي علشان انتم مش مكتب تنسيق ولا توظيف
لو نرجع بس لكلام الرسول هنستريح ونريح..
قال صلى الله عليه وسلم
"إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير"
بس كدا

بعد فترة هتُدرك إن كل شيء وكل شخص ممكن يخيب أملك، حتى أحلامك اللي انت فاكر إنها ممكن تبقى إنقاذ ليك ممكن في ثواني تتحول لكوابيس مُرعبة.

شقرا يا إيمان :-D
كله فاني يا بنتي والله ..والله يا شباب كبرتوا الموضوع

Language: English

4.1

1,266,418 reviews
© Ask.fm 2024