دلوقتى متضايقة انى جيت على نفسى كتير ومحدش قدر دا وطلعت مش فارقه مع حد 😓
لا ده مش حل غيري من طريقه تفكيرك دي انتي كنتي بتسال عليهم بحسن نيه متندميش ع حسن النيه ابدا وخلاص عدي واتعلمتي انك مش لازم تيجي علي نفسك عند اي حد . متتضايقيش لان ده لا بيحل ولا بيربط عادي مشيها خدي الحياه ببساطه هترتاحي .
كنت بسأل كتير بس لقيت محدش بيسأل لو انا مسألتش وكمان لو سألت بيردوا عليا زى ما يكون عارف شغل الله يخليكى ويارب دايما والكلام اللى هو مش كلام صحاب اصلا ولو زعلانة منهم محدش بييجى يعتذر ويصالح زى ما انا بعمل قولت بقا اريح دماغى خالص
طيب معظم الناس بقت كدا دلوقتي مش انتي لوحدك .. ف عادي اعملي الخير وارميه ف البحر واللي يكلمك كلميه ب اسلوب كويس وعشم وكل حاجه واللي مش عايزه تكلميه براحتك برده لكن هتزهقي نفسك ليه وع مين لو بعدتي عنهم بقي اشغلي نفسك ب هوايه او اي حاجه عشان التفكير
في ذنب مش عارفه خالص منو بدأ معايا بعياط دلوقتي لامبالاه نفسي ابطلو وعندي احساس انو انا طبيعيه لان كل الباسورد بتغلط بس انا خايفه اموت ع الذنب دا هخش النار وربنا مش هيرضا عني 😓
كل الباسورد ؟؟ كل الناس بتغلط قصدك ! طيب فيه ذنوب صغيره وذنوب كبيره ومش معني ان الناس بتغلط او بتعمل حاجه اعمل زيها مش كل اللي بيعملوه صح و زي مابتتعود تعمل ربنا هيبعثك يعني لو مت ع طهاره ربنا هيبعثك علي طهار ولو مت وانت بتعمل ذنب هتبعث علي الذنب ده والصلاه والاستغفار والصدقه اول خطوه ف ترك اي ذنب وان تنوي وتقول يارب انا مش هعمل كدا تاني غلطت ورجعت تاني هقوم تاني واحاول من اول وجديد .