بابا متوفي من 8شهور وفرح اختي بعد شهر لظروف شغل خطيبها ياخدها ويسافر بعد شهر. دلوقت انا مش مستوعبه فراق بابا اصلا وقلبي وجعني وف نفس الوقت نفسي افرح باختي والبس فستان واتصور معاها بس حزن جوايا وع طول بلبس اسود ولما غيرت لون الطرحه لقيت واحده اتكلمت وتقول لونتو ليه انا لو لبست فستان كده الكل هيتكلم
ربنا ييحمة ويغفر له ويجعل مثواة الجنة
البسي وافرحي
اولا حبيبتي الحداد في الشرع ٣ أيام
والمفاجأة بقا انك مكروووه تطولي الحداد على شخص اكتر من المدة دي
+ الحداد في الشرع هو انكم تأجلوا فرح مثلا مالهوش اي علاقة باللون اللون دة بدعة .
ف انتي حبيبتي شرعا كدا غلط اللي بتعمليه مينفعش تقيمي حداد على والدك كل المدة دي اكتر مدة حداد هي على الزوج بتكون ٤٠ يوم غير كدا ٣ ايام
و يا حبيبة قلبي الناس اللي بتتكلم مقعدوش جنبك وانتي مقهورة على والدك ولا عمرهم هيحسوا مشاعرك الا اذا جربوها ف بجد خسارة تضيعي وقت وتفكري في كلامهم
ملكيش دعوه بالناس افرحى باختك وفرحيها وارمى كلامهم فى الزباله
الله يرحمه ويغفر له،
كلام الناس، كيف نتجاوزه؟
ربما
لو طال بك العمر .. ورأيت كيف أن أغلب الناس يغيرون آرائهم تبعاً لمصالحهم .. أو خوفاً من مخيف .. أو تزلفاً لقوي متنفذ
ربما
لسخرت من نفسك .. أنك كنت تلقي بالاً لذلك
يا حبيبتي افرحي وفرحي اختك ومتسمعيش لحد لان محدش بيحس بحد وباباكي الله يرحمه ويغفر له هيكون فرحان ومرتاح لفرحتكم ببعض
الحزن مش باللون، ومراسم الحزن ثلاث ايام
افرحي و فرحي اختك واللي تتكلم حطي جزمتك في بوقها
مشكلتك دلوقتي الناس عادي يابنتي ولا تشغلي بالك بيهم البسي فستان وافرحي مع اختك موت والدك انتوا اكتر ناس متأثرين بيه سيبك من كلام الناس
لأ يا حبيبتي ماحدش ليه إنه يتكلم الحزن فى القلب و ظروفكم و ظروف عريس أختك هى أللى خلت الدنيا تيجى ورأت بعضها افرحى لاختك و خليكى ساندها و البسى فستان حلو هادى و بسيط
لا البسي فستان وسيبك من الواحدة والواحدة ونص
