الحب لوحده كافي او لا فلا ،بس اكيد هو عامل مهم بردو في حاجات كتير ممكن تهون وتعدي لو في حب بين الطرفين اكيد ،بس الفكرة خزلك كذا مرة دي اللي يتحط تحتها ميه خط علي حسب عمل ايه واللي عمله ده غصب عنه ولا هو طبعه كده يبقي مش هيتغير ،الاهل ليهم تاثير اه بس حسب شخصيه الزوج نفسه بيسمح بالتدخل في حياته ولا فاصل بيته عن اهله ومش بيتاثر بكلام اللي حواليه,فانتي محتاجه تقعدي مع اهلك تفهمي منهم سبب الرفض ايه وتحاولي تقنعيهم بالعكس او هم يقنعوكي وفي نفس الوقت هو يحاول بقي يثبتلهم انه قد الثقه هتتعبوا شويه بس ان شاء الله توصلوا للخير ليكم انتوا الاتنين .
هل الحب كافي لتاسيس زواج ناجح؟ وهل فعلا راي اهلنا بيكون صح اغلب الوقت بمعني لو بنحب شخص بس هما شايفينه مناسب بس اهله لا مش مناسبين دا سبب كافي للرفض وانه هل فعلا الراجل بيتطبع بطبع اهله؟ وهل لو وقفت ضدد اهلي عشان اختار ال بحبه برغم انه خذلني اكتر من مره قبل كدا فهل ممكن يخذلني تاني؟ يا ريت تفيدوني
الحب مش كافي خالص لانه مش هيدوم ،ورأي اهلنا صح ديما ، الراجل عمره ما هيجي علي أهله مهما حصل ، واختيارك ليه هيدمر حياتك
الحب غير كافي لتاسيس زواج ناجح لازم يكون فيه تفاهم وثقة وصدق وتكافؤ
الراجل مش شرط يتطبع بطباع اهله ومش معنى كدا ان نغض نظرنا عن اهله
اكيد مهما حصل اللي ملوش خير ف اهله خير ف حد بالذات انك بتقولي خذلك اكتر من مرة
يعنى خذلك كذا مرة ولسه عرفاه وبتخمنى 😅
لا الحب مش كفاية
اه الاهل سبب وبنحكم على العلاقةبناء عليهم فى اوقات
ومينفعش تخسري اهلك علشان حد حتى لو هو ملاك مش مصنع خذلان زي ما بتحكي 🙆🏻♀️
سيبك م الحب بعد الجواز مهم الاحترام والتقدير والتفاهم اكتر م الحب ايان كان طبعه وطبع اهله طول مهو مبيقلش منك ومحافظ عليكي بس انتي بتقولي خذلك اكتر من مره يعني مظنش تقفي ضد اهلك عشان بتحبيه بس!
-الحب كافي لتأسيس زواج ناجح؟ لأ قطعياً ولا ليه لازمة.
-رأي أهلنا؟ ده ناتج عن تجربتهم هم الشخصية وبالتالي لا يُقاس عليه لاكن نأخذه في الإعتبار.
-أهل الطرف الآخر جزء من الزواج وبالتالي لو بدر منهم سوء فأكيد هيأثر علي استقرار حياتكم.
-كل الناس بتتأثر بالبيئة الي بتنشأ فيها لكن ده مش مقياس علي تفكيرهم وشخصيتهم.
-الخذلان درجات ووحدك قادر علي الحُكم بالإستمرار من عدمه.
الحب مش كفايه
1- الحب مش كافي لتأسيس زواج ناجح، وجوده مهم بس لو الأساس مضروب مش هيسند حاجة.. حاجات زي الاحترام والصداقة أهم لبناء زواج ناجح..
2- مهم نفهم إن مجتمعاتنا مش بيتزوج فيها الأفراد وحدهم، عندنا عيلة بتناسب عيلة فلو الأهل مش مناسبين حتى لو الولد مفيش زيه بلاش -إلا لو هو مستقل عنهم بشكل تام- وبتكلم هنا عن العائلة الصغيرة مش العائلة الممتدة..
3- انا ضد ان حد يقف قصاد اهله عشان أي جوازة حتى لو كان ملاك نازل من السما، فما بالك وانت بتقولي انه خذلك اصلا قبل كده!
غالبا الاهل صح .. والحب ليس سباا كاليا للزواج
وان اهله مش مناسبين ده سبب كافي جدا للرفض
أنتِ مستنية ايه يوديكي مخذلة يخذلك ويكويكي
ما انتي جاوبتي ع نفسك خذلك اكتر من مرة هتحاربي عشانه ليه ؟
وبعدين اه الحب مش كل حاجه لازم نعقل الدنيا يعني اي احبه ومش مرتاحه مع أهله مثلا .. يعني اي احبه بس مثلا مش بيقدرني وبيخذلني
ي تاخدي حد يريحك ويقدرك ي لا وبعدين احنا مش بنتجوز الشخص لوحده لا أهله معاه وع مهلك ف خطوة الجواز محدش هيجبرك يعني
