حدثني عن الامل عن بكرا انا انسانه حاليا فقده اي معني الامل في التقدم في التعليم أو. في الشغل أو في الحياة عموما بسمع كلام كتير من اهلي اني مانفعش لا في بيت او غيط زاي مابتقول امي علي اني شيله البيت من كل حاجه
ليه دايما الاهل بيحاولو يدمرو ابنائنم ليه
ولا العيب فينا ؟
العيب فينا مع الوقت هاتفهمي دا خوفهم او كلامهم بيكون عشان عايزنا الاحسن دايما خلي عندك امل ف بكره انه هايكون احسن
مش بيحاولوا يدمروكي امك عوزالك الاحسن متزعليش منها هيا بتقول كدا عشان تبقي احسن الحياه وحشه والله جدا بس من دون اهلك حتبقي مفيش حياه ربنا يخليهوملك
الامل موجود وبكرا مش لازم نفكر فيه عيش الحاضر .. التعليم او الشغل شئ روتيني شوفي انتي حابه ايه واعمليه حتي لو مش في مجال تعليمك .. الاهل دايما بيكونو شايفين ان كلامهم صح ومش بيبصو ع انت عايز ايه بس هما بيكونو عايزين مصلحتك لكن ميعرفوش انهم بكدا بيدمروك وبيدفنو اي امل وهدف ليك ف الحياة حاول تتأقلم معاهم واثبت نفسك .. للاسف بحس ان اغلب تفكير الاهل روتيني وقديم مش متخيلين ان لو سابك تحقق الي انت عايزه هيخليك ناجح
مش شرط يكون العيب فيكى ممكن الحاجه اللى انت شاطرة فيها هم مش معترفين بيها بس قشطه انت ممكن تاخدى الكلام ده حافز ليكى او ضدك زى م انت بتعملى كده دوسى على نفسك وعرفيهم انهم غلط وانت صح
شوفى الآنسر دى لأحمد أيمن
الامل موجود فيتا وفي بكره وفي اللي فات واللي جاي بس لازم احنا اللي يكون عندنا القدره وعندنا الثقه بالله لان الامل بالله كبير لازم نعافر ونتحدى علشان نوصل الاهل سعات كلمهم بيكون جامد شويه بس هم كل همهم انهم يشفوا اولادهم احسن منهم ممكن كلمهم بيقولوا علشان يحفز اولادهم علشان يغيرهم ويخليهم يتحركوا لاكن عمر مافي اهالي بتتمني لي ابنائها الشر ولا الاحباط حولي تثبتي ليهم انك قد التحدى وانك نافعه في شئ وانك عكس ما هم شايفين وربنا ييسرلك الحال ويصلحلك امورك واتمني تكوني بااحسن حال
بصي من جهة التعليم ف مصر مفيش اي امل ان التعليم فيهاا يبئاا كويس
هيفضل روتيني زي مهو وممل جدااا
بس بردوو المفروض اننا نعمل اللي عليناا وربناا اللي بيوفق..
بالنسبه للشغل انتي ممكن تكوني انجح واحده ف حياتك وف شغلك لو عندك طمووح من غير طموح مش هتبئي حاجه
وف حياتك حاولي متسمعيش ل كلاام حد خليكي واثقه ف نفسك وقربي من ربناا واحسني عبادته وانتي اكيد حياتك هتبئاا احسن..🌸
لا العيب فينا احنا
عمر ما كانوا الاهل هيدمرو حياة ولادهم .
لا العيب مش فينا ، الاهل فعلاً و بالذات العرب عندهم مفاهيم كتير كتير جداً خاطئة و اسمحيلي اقولك عمرها ما هتتغير ..
لكن دايماً خلي عندك امل ربنا كبير و هيبعتلك رزقك ، و اوعي في يوم تبقي زي اهلك و تدمري اطفالك اوعي !
