مرحبا يا جماعة انا تخرجت بمعدل جيد تخصصي من تخصصات الit وزعلانة كتير مع اني حاولت اعلي معدلي بس كان كل فصل اصعب من التاني بالكم التوظيف بوقف على معدل الطالب يعني بأثر معدلي على التوظيف ؟خايفة من هاد الموضوع 😞
لما تقابل كون عندك شخصيه قويه وكون ملم بتخصصك رح تزبط معك حتى لو بعد حين
حسب تخصصك بال it بس اتوقع الأهم شو معك دورات وعندك مهارات
المعدل مو كل شي في شغلات تانية بتحكم متل شو عندك خبرات دورات تدعم السي في تدريبات بخصوص المجال يلي بدك تشتغلي في
الله يوفقك ويفتحها عليك
حتنصدمي اكثر لما تعرفي انه شهادتك كلها ما الها قيمة بدون واسطة 🙂🌚
لا ما اله دخل ، توظيفك بعتمد على خبراتك وشهاداتك وشو معك دورات بتأهلك لتمسك الوظيفة يلي قدمت عليها بالأضافة لشخصيتك وطريقتك بالكلام ووسيلة يلي بتتبعها لأقناع الطرف الأخر فيك، طبعا هذا الكلام كله ممكن تستغني عنه بفيتامين واو.
المعدل ولا اله علاقه اهم اشي مش مقبول، الاعتماد الاول بالشخصية بالمقابلة اعكس شخصية قوية وحلوة وفهمانة وهاي الاهم وبعدين بتطلعوا شو في عندك مقومات تقدر تستخدمها في شغلك، عموما دائما اول الشغل في ثلاث شهور تدريب وخلالهم بتتعلم كلشي بخص شغلك، بالتوفيق💙
أرزاق هاي خيتي
عن خبره ما حد بهتم بالمعدل ، ركزي ع ميولك وبلشي دراسه اون لاين
لو تاثير المعدل كبير ما بتلاقي حدا اشتغل تقدر تطور من حالك وتوخذ دوراة وكمان الخبره تغطي ع المعدل لو كان مقبول 🙂
التوظيف يعتمد على الكفاءة
والأرزاق بيد الله، 🤝