فيه سوء تفاهم ما بيني وبين صاحبة عزيزه عليا جدا اعتزرت ليها كذا مره بس في نفس الوقت هي مش راضيه تصدق أنه مجرد سوء تفاهم وان دماغها كلها هبل اتمنى بجد أنها تفهم أنه سوء تفاهم
وحشتني ايام ثالثه ثانوي كانت دائما ماما بتحط جمبي تسجيل من بتوع زمان دول ويقعد يقرأ تواشيح قبل الفجر كدا وانا كنت ببقى قاعده اذاكر جمبه كنت بحس بالأمان كدا وتقريبا من ساعتها مسمعتش التواشيح الجميله دي كنت بصلي التراويح ودائما اقولهم مش هقعد علشان هنام لو قعدت واطلع فوق وانام فوق واصحى على ١٢ كدا 😂😂 كان بيبقى عليا درس الساعه ٧ ودائما كنت بروح متأخر واقف اسمع الحصه من عند الشباك ودائما كنت بقعد ولا برفع ايدي في درس ولا كدا وأستاذ العربي كان بينقي الاسئله الصعبه في النحو ويسألني فيها علشان هو مفكرني نايمه علشان مش بتكلم ايام جميله جدا والله تعالى دلوقتي مش عارفين نعدي 😂😂😂