Ask @ezzatkamel:

انا في واحد قريبي بيقولي انه جابلي شغل ف مجالي اللي هوا الجرافيك و بيقولي ابعتلي شغلك و انا كل اللي عامله ٨ تصميمات و مش في تخصص واحد، انصحني اعمل ايه؟

امشي مع الموجة و التيار و شوف حتقف بيك فين
ابعت شغلك عادي حتي لو عامل تصميم واحد

View more

عزت انا مش مرتبط بديزاين كاشغل كاهواية انا عايز ما املش منو اعمل ايه ؟

انا مش فاهم السؤال اوي
بس اللي فهمته ازاي متملش من التصميم و انت شغال فيه
١- اشتغل علي تصميم بتحبه مش مفروض عليك و انت مجرد منفذ
٢- ادخل في جمعية او اقساط و انت حشتغل ليل نهار و مش حتمل من اي تصميم
:)

View more

ايه هى اهم المصادر اللى ممكن اتعلم منها البراند و تابع اخبار عنه دا طبعا بالإضافة المدونة الجميلة بتعتك و ازاى اقدر اطلع افكر

اهم المصادر هي عينك، بكلمك جد عينك سجل كتير شوف كتير
في عشرات المواقع اللي ممكن تلاقي عليها شعارات يومية من كل المستويات و من كل الانشطة و البلدان.
بعد ما تسجل بعينك جرب كتير كتير جدا مش شهر او ٢ كتير يوميا اسبوعيا. قلد لحد ما يبقي لك اسلوب و ادعم الشغل المتواصل بشويه قراءة و اسال مهما شفت السؤال بسيط

View more

انا ازاى الاقى مكان ادرب ك جرافيك ديزاينر كل الاماكن عوزة ناس خبرة و من الاخر طب اللى عاوز ياخد فرصة و يتعلم يعنل ايه

مفيش حد حيدربك بشكل المتعارف عليه للتدريب انت لو لقيت مكان محترم و اشتغلت فيه و لو حتي ٣ شهور كل اللي حتستفيده هناك الاحتكاك بالمشتغلين في المجال مصممين او طباعة او عملاء و غيره. بص بلاش تستعجل الفرص اشتغل علي نفسك النت فتح مجالات ابواب كتير ممكن تتواصل مع طوب الارض بدليل انك بتتكلم معايا و انا معرفكش. قدم في اعلانات التوظيف اي كان ممكن تلفت نظر حد. الموضوع مش صعب عاوز صبر و اجتهد و اعمل سابقة اعمل ممتازة و ارفعها اونلاين لو على جهازك و بين صحابك ملهاش لزمه

View more

في كورسات معينة شفتها فادتك في تصميم اللوجوهات ولو في ياريت تقول اسمائها حتي لو بفلوس ؟

حتصدقني لو قلت لك اني مشفتش و لا خد و لا كورس في تصميم الشعارات، اشتغل و جرب كتير الموضوع صعب انا عارف و انا كمان عنيت منه لكن النتيجة مبهرة و لو عندك أي سوال ابعت لي

View more

Next