انا خريجة طب بشري وسني كبير شويه في شاب متقدم وقعدت معاه ارتحت وفي قبول بس هو قالي هتلبسي النقاب وهتقعدي في البيت مينفعش واحدة مسلمة تشتغل في مكان مختلط بالشكل ده. انا مش عارفة اخد قرار ونادرا لما حد بيجي عشان سني كبر. ممكن نصايح ؟
ومحدش هياخد القرار بدالك لان دى قناعة يعنى النقاب دا قناعة لازم ابقى لابساه وانا مقتنعه بيه مش عشان حد ،والشغل برده صعب بصراحه ف الايام دى وكمان ف طب بشرى بعد دا كله تعب الواحد يروح كده الا لو دى برده كانت قناعة عندك أو معندكيش مشاكل انما لو شخصيه م الاول طموحه ف مجالك ف لا متقبليش حاجه مش مقتنعه بيها لمجرد ان سنك كبر!
للبنات خاصة ردكم هيفرق جدا ، لو اتقدملك شخص 26 سنه حسن الخلق اسلوبه حلو واهله طيبين شكلة جميل وهو حد طموح كلية قمه وبيكون نفسه عنده شقه بتاعته وفبداية حياته بيعافر ف طريق حلمه ، مش ناوي يخلي حد يساعده وحابب يتكفل بنفسه كل شئ ، بس الدهب مش هيقدر يجيب كمية يدوب دبلة ومحبس وهيوافق ع كل شئ ، رأيكم اي !!
عادى جدا مش شايفه فيها اى مشاكل بالعكس الاعتماد ع النفس مش ع الاهل احسن كتير، بس بلاش موضوع شكله جميل دا وعامة الولاد بتتوصف بالوسامه مش الجمال 👈👉
السلام عليكم
انا بنت وعندي ٢٨ سنه وعمري ما اتخطبت ومبقاش،حد يتقدم بدعي كتير اوي وبتصدق ولسه محصلش نصيب
هل لو طلعت عمرة ممكن ربنا يستجيب واتخطب ؟
بصى ربنا اللى هتدعيله فى صلاتك وقيامك هو ربنا اللى هتدعيله عند الكعبة يعنى ربنا مشترطش فى الدعاء ان يكونله مكان معين، بس ادعى علطول خاصة فى الأوقات المستحب فيها الدعاء زى الثلث الأخير من الليل زى قبل المغرب زى بعد التشهد الأخير وهكذا وألحى على الله بالدعاء ربنا بيحب العبد الملِّح ووالله ف غمضة عين يغير الله من حال إلى حال حتى لو مفيش حد بيتقدم ربنا هيرزقك بنصيبك متخافيش وبعدين 28 مش كبيره والله، صومى الايام دى بقا.. المغرب بدرى واليوم قصير ومش هتعطشى وادعى وانتى صايمه وربنا يتقبل ويرزقك زوج صالح مصلح عاجلا غير آجلا ويفرح قلبك اللهم آمين ♥️