حساسه جدا فيما يخص السؤال على الناس..بسأل مره واتنين وتلاته لحد ما أحس انى انا اللى بجرى ورا الكلام معاهم والا لو انا اتأخرت ف مره كانو هيسألو هما لكن مبيسألوش فخلاص باخد الموضوع بحساسيه شويه عشان لا ابقى تقيله على حد ولا بفرض نفسى عليه💁
أيش نكهة الأندومي اللي تفضلينها
مش بأكله
ادعيلي اتجوز اللي بتمناه
ادعى ربنا بالزوج الصالح أحسن من دعوتك بشخص معين..-أنا قرأت والله اعلم -إنه مينفعش تدعى بشخص بعينه أو أن حد يؤمن على دعائك ده ولكن جائز تقولى..(يا رب إن كان في فلانٍ هذا خير فاجعله من نصيبي، واجعلني من نصيبه) والأفضل من كل ده انك تسيبى أمرك كله لله وتقولى..(اللهم ارزقنى زوجا صالحا يكون عونا لى على رضاك وطاعتك) وربنا يقدم لك اللى فيه الخير❤️
غدًا نمضي .. كما جئنا ..
وقد ننسى .. “بريق الضوءِ والألوان “
وقد نهفُو .. إلى زمنٍ بلا عنوان ..
وقد ننسى وقد نُنسى
فلا يبقى لنا شيء لنذكره مع ” النسيان”
فيكفي أننا يومًا ..
تمرَّدنا على الأحزانِ ..
ويكفي إننا يومًا تلاقينا ..
بلا استئذان ..
"فيكفى أننا يوما..تمردنا على الأحزان..!" ،عندما يبدع فاروق جويده❤️
ممكن من غير تريقه او هزار
هو انا هدخل اولى بشري إن شاء الله وعاوزة اعرف ممكن اقوى نفسي فى الانجلشش المتعلق بالدراسه ازاى وايه المصادر لانى اعرف انه غير الانجلش الى. بتاخد ومصطلحات وكدا
معنديش مشكله انى اذاكر لغه وخصوصا اننا فاضيين لدرجه الملل والزهق وكل حاجه انا بحب الانجلش اصلا فمش هزهق من حاجه
ولا تريقه ولا حاجه اولا كده الف مبروك ي جميله❤️ ثانيا شوفى يستى المصطلحات الميديكال صعب تحصريها ف عدد معين تذاكريه وكده الموضوع واسع جدااا،بس أنا ك مثال عاوزه اقولك انى لا روحت تأهيليه "ممكن تكون مفيده لو حابه تروحى " ولا حفظت كلمات ولا عملت أى حاجه قبل الكليه خدت الاجازه كلها راحه من ثانويه عامه عشان حرفيا مش هتعرفى تاخدى نفسك ف الترم خاصة بنظامنا الجديد ،ودخلت ي مولاى كما خلقتنى اول شهر مكنتش فاهمه الكلمات وكنت بترجم كلمه كلمه بس بعد كده هتتعودى على المصطلحات كلها عاوزه بقا تشغلى نفسك شوفى كورسات اونلاين لتحسين الaccent بتاعتك عشان تنطقى كويس دى أهم حاجه خاصة انك هتعملى projects كتير وممكن تقدميها شرح للدكاتره ولازم نطقك يبقى حلو ،ولو عاوزه مصطلحات ففى ناس فتره التأهيليه هينزلو كلمات كده ابقى احفظيها ،ونسيت اقولك إن على اد ما هتبقى مش فاهمه حاجه اول فتره ف الترم على اد ما ده اكتر ترم هتقدرى تجيبى فيه تقدير كويس لو اجتهدتى..وربنا يوفقك يارب♥️
اللهم انت ربي لا اله الا انت خلقتني وانا عبدك وانا على عهدك ووعدك مااستطعت أعوذ بك من شر ماصنعت أبوء لك بنعمتك على وابوء بذنبي فأغفر لي انه لا يغفر الذنوب إلا انت، 💚