يا ريت حد ينصحني متقدملي شب مواصفاته منيحة وفهمان بس مش متعلم وأنا متعلمة ومثقفة وكتير حلمت ارتبط بحد متعلم ومثقف مثلي وعمري رح يصير ٢٩ وخايفة أعنس وبتعرفوا نظرة المجتمع يا ريت حد يساعدني وينصحني هو مبين عليه فهمان حتى لو مش متعلم بس ما بعرف محتارة
يعني ضروري يدرس جامعة ويتثقف هيهم قاعدين لا شغلة ولا عملة .. اليوم الاخلاق تتغلب على الثقافة والدراسة
ليش ناوية تقعدي معو تسمعو جدول الضرب لبعض ولا تتناقشو حول الاعرابات
الزواج امو ثانية يا هبلة شو دخل متعلم ولا مثقف .. اصلا المتعلمين معهمش يتجوزو خذيه وادعي لامك اكيد راحو ركبها وهي تدعيلك
العام مش كلشي صدقيني
هلا حلو ترتبطي بحدا متعلم ما بحكي لا
بس بدي تنسي هو شو عامل بحياته الخاصة
وشوفيلي راحتك النفسية بعد صلاة الاستخارة و قرري
لعله أخيّر من متعلم!
مش مين ما كان متعلم معناتا حدا منيح
والله يبعتلك الشخص الأفضل♥️
عمره التعليم ما كان مقياس ولا طول ولا شكل بحدد العلاقة الزوجية
اهم اشي يكون شخص واعي وبيفهم وافكاركم قريبة من بعض ، قادر يتحمل يبني أسرة سعيدة ، مدام في احترام وتفاهم وكل الامور الثانية تمام وعاجبيتك ما تحطي التعليم حجه أو سبب لترفضي مدام خايفه تعنسي
وياما في ناس متعلمه و واصله مناصب عالية بس ما عنده احترام لزوجته ولا أولاده ولا بعرف يتفاهم ولا حتى عنده حس المسؤولية ولا عارف يربي ولاده ولا مهتم لزوجته وبس متزوج عشان يخلص من نقد أمه وبدو يخلف عشان يجيب ولد يحمل اسم العيلة وهو مش قادر يتحمل يربيهم بس عشان يمشي ع عادات المجتمع
حاولي اسألي عن شو مفهومه لزواج ، كيف تعامله مع زوجته و ولاده بالمستقبل رح يكون ، وقت المشاكل كيف بحل المشكلة بالصراخ ولا بتفاهم ، تربية الأولاد عمين رح تكون المسؤولية عليكِ ولا عليه .....
هاي الشغلات الي بتحدد اذا بلزم التعليم بزواج أو لا
الجامعة والشهادات ما ربونا ولا فهمونا اي اشي عن الحياة ولا حتى عن تكوين الأسرة السعيدة والصحية فهاي الشغلات بتيجي كيف الإنسان حاب يعيش وتكون حياته مش من التعليم والجامعات
ما تحددي رفضك ع أساس التعليم وبس والله بتمنى اكون فدتكView more
يعني زي كأنكك مقتنعةة فيهه بس بدك حدا يأيدكك ب الموضوع … الحياة بتعلمم اكثر من المدارس والجامعات 👍
مش كلشي بالعلم
انا بخاف اجاوب على هاي الاسئله واعطي نصيحه فيها لانها حياتك وما حد بعرفها اكتر منك. بس الي بقدر احكيلك اياه وازني الامور واياكي ترتبطي بشي ما بدك اياه ومش مقتنعه فيه. وقرارك هو مسؤوليتك لحالك بتتحملي نتيجتو
ازا بخاف الله بغنيكي عن كلشي
عمرو التعليم والشهادات ما كان مقياس للثقافة
والفهم
استخيري
