🔹ⓢⓟⓐⓒⓔ〰💐
النهايات من الحاجات اللي عُمري ما حبيتها، ما بحبّش أعيش نهاية أي شيء بحبّه أو اِتعوّدت عليه أيًا كان الشيء دا إيه حتى لو كان مُسلسل، أنا شخص عنده وفاء شوية للحاجات اللي بيحبّها ودايمًا بحب أشوف استمرارها في حياتي، ورغم إنّي مؤمن بُجملة: "إن لكُل شيء نهاية"، لكن ولا مرة قدرت أتقبّل نهاية الأشياء وخُسارتها، دايمًا بتبقى في نار جوّايا، زي ما يكون قلبي بيُقف لثواني من صدمته ثم بيرجع يدُق من تاني.. وما أدراك بالثواني اللي القلب بيُقف فيها دي ألمها بيفضل جواك لسنين.
