من كتر مو مرهفة المشاعر والأحاسيس اكيد رح ابكي معو??
استغفروا الله ؛
استغفر الله العظيم ??
شوية حكي?
#فنّ_التخلّي.."You can't fix a dead human. You can't water a dead plant!"فكرة عم تدور ببالي من كم يوم .. أحياناً منتمسك بشغلات بتأذينا .. بأحلام بتخلينا نرجع لورا بدال ما نمشي لقدام .. بأهداف بتستهلكنا حتى بيصير ما عنا قوّة وطاقة لأي أهداف تانية ..واحد من أخطائي هي إني بعتبر أحياناً أحلامي متل كأنن أطفالي وبقول ما بيصير أتخلّى عنن .. بس بلحظة من اللحظات وصلت لقناعة أنو مع مرور الوقت نحن منتغيّر، وأفكارنا ومعتقداتنا وحتى أهدافنا مالا حقيقة ثابتة وحدة من وقت منخلق لوقت نموت .. كل ما منتجاوز مرحلة أو فصل من حياتنا بتتغير وبتتبدل أو حتى بتكبر أو بتصغر .. أو بتكون أولوية بتصير ولا شي ويمكن العكس ..بأحد أغاني Linkin Park بتقول: "Sometimes solutions aren't so simple. Sometimes goodbye is the only way!"وفعلاً .. كتير أوقات منلاقي الحل الحقيقي صعب كتير .. صعب لأنو نحن مخلوقات مجبولة عالتعلّق بالشغلات وحتى الأشخاص يلي بتعنيلا كتير وبتحسا جزء من كيانا .. مع العلم أنو كتير أوقات منكتشف أنو نحن كنا متوهمين التعلّق بشي بس لأن خايفين نطلع من دائرة الراحة تبعه ونكتشف شوفي بالحياة بدونه .. وغالباً منلاقي فرص وشغلات أحلى بمجرّد نتخلّى عن هالشي يلي كان مستنزفنا وعامينا عن شوفة كل شي غيره!☘️التعلّق إدمان لازم نخاف منه متله متل أي إدمان تاني لأن أحياناً بيكون تأثيره السلبي قادر يهدم شغلات تعبنا سنين طويلة لنبنيها .. وأحياناً كتير قادر يهدمنا نحن نفسنا...وبالمقابل .. التخلّي بالوقت الصحيح مهارة .. كلنا بدون استثناء بحاجة كتير نتعلّمها ونعرف امتى ووين ومع شو ومين نستخدمها..☘️اي وهيك ... #منقول