صفر واحزرو بشو رياضيات احب مادة عقلبي وقتها في صف سابع اظن المهم انا كنت بالعمرة والمس شرحت المربع الكامل وحل المعادلة التربيعية وانا مش موجودة وانا كنت برياضيات شاطرة وما ادرس عالامتحانات (توخذوش مقلب كنت عادي بالمواد الثانية) المهم المس حكتلي بتدرسي وبتقدمي الامتحان مع البنات بكرا انا روحت فهمت عادي بس ان معرفتش وينتا بكون مربع كامل ووينتا لتكون معادلة تربيعية وعكستهم كلهم بالامتحان واخذت الصفر لفيت عكل الصف افرجيهم العلامة والصفر من شيم الرجال ومن يومها وانا حاسة حالي زلمة
لما اجو الجيش على منطقة السكنات وصار تو البلبلة اتذكرت قصة ظريفة صارت من حوالي سنة..احنا دارنا قريبة من المستوطنة والطريق الالتفافي المهم اليهود بس يصير اشي احنا من اوائل الناس اللي بيجو علينا..في يوم من الايام عال2 بالليل صوت مخابطة عالباب بدهم يخلعو الباب بس فتحو اهلي الباب الا هم الجيش تقريبا 15 جندي ومعهم تقريبا قدهم كلاب(عدد الخنازير=عدد الكلاب) المهم عالسريع امي صحت اخوتي.. حبسوهم اليهود كلهم بغرفة ونفلو الدار نفل ...منظر الكلاب وان ماسكين السلاح وهيك اكيد رح يرعب طفلة بعمر 4سنين مثل اختي.. بس اختي عااادي ولا كان في اشي ..طبعا امي مستغربة كثييير وميتة خوف عخوف اختي وخايفة ان صايبتها صدمة بس ما بدها تحكي معها لحسن تخاف بزيادة... لان حتى امي خافت ؛)...المهم امي استنت للصبح وسالت اختي:خفتي من اليهود امبارح؟ اختي: لا يا ماما هذول مش يهود هذول غزة ما بخوفو هذول بحمونا....