جماعة عايزة أخد رأيكم في حاجه وياريت تردوا عليا، أنا الحمد لله فى طريق الالتزام وبقيت معلمة تجويد وفى كلية طبيه وعندي معلومات دينيه كويسه الحمد لله، جاتنى فكرة إنى أجمع مجموعة من البنات في مركز الشباب عندنا وأعلمهم عن دينا الحاجات إللى غافلين عنها وبدون مقابل، أى رأيكم اعمل كده ولا بلاش؟
اعملي طبعا ربنا يكرمك
اعملى كده وربنا يجازيكي كل الخير يارب العالمين 💜💜💜💜💜💜
أنا رأيي لو انتي مش في حاجه للفلوس اعمليها بمقابل بسيط وخلي دخله مثلاً يساهم في إعانة إنسانـ/ـة عفيفـ/ـة، وتعرفي البنات انه الدخل ده رايح للطريق الفلاني وتأمني واحدة منهم على معرفة الشخص ده ميبقاش مشاع بينكم، ويبقى علمتيهم من علمك ورققتي قلوبهم بالصدقة، ممكن كمان تخليهم يشاركوا في اختيار الحالة يعني تحكي ظروف اكتر من حالة بدون ذكر أسماء طبعًا، وتعملي تصويت على مين الأكثر استحقاقًا ودا هيشجعهم اكتر وهتلاقي الخير كتير بكرم الله وفضله، وربنا يتقبل منا ومنكم صالح الأعمال والطاعات.
اعملي كدا طبعا بس اختاري أشخاص صح وتبقي متاكده أنهم هيسمعوكي وكمان في تطبيق اسمه مكتبتي تقدري تنزليه ع تليفونك في معلومات جميله هتفيدك كتير
وموجود سلسله دينيه عن حياه الرسول (صل الله عليه وسلم ) جميله قوي هتلاقيها موجوده ع يوتيوب قناه الدكتور أحمد عامر .. ربنا يجازيكي كل خير يارب ويقدرك ع الفعل دا
دانت كده ثوابك عظيم و غايتك عظيمه ربنا يفتح عليكي
فكرة جميلة اوي بس صعبة .. لازم يكون عندك قوة وصبر والتزام وكمان معلومات كتير وقواعد وأساسيات لو لسه مش عندك انصحك تتعلمي الاول بعدين تبدأي تعلمي غيرك عشان متزنقيش نفسك لو حد سألك في حاجة او معلومة مش عندك لسه
ربنا يعينك 💙💙
توكلي علي الله وربنا يجازيكي كل خير،احسن معظم البنات دلوقتي ميعرفوش ا ب اسلام والله ودول المفروض هيبقوا مسؤولين عن تربية جيل كامل في المستقبل .
تأكدي أولا أنكِ قد تعلمت من جهة معتبرة كالأزهر جامع وجامعة، أو ما ينوب عنه من الجهات التي يُدرِّس فيها الأزاهرة علما حقيقيا، واجتهدي على نفسك، وإلا هتضري من حيث أردتي النفع.
طبعا اعملى كده وربنا يثبت انتى وامثالك يارب💛💛💛