أول حاجة تحاول تنتظم في الصلاة ع قد ما تقدر وحاول كل ما تدخل التواليت تتوضي وأنت خارج بحيث ان لو الآذان أذن تبقى جاهز ومتكسلش خلي لسانك دايما بيذكر ربنا وأكثر من قول لا حول ولا قوة إلا بالله وأستغفر كتير وصلي على سيدنا محمد لو في محنة وحاسس بإحباط في حياتك ومش قادر حتى تصلي أو تمسك المصحف أفضل قول لنفسك ربنا كريم وهيعوضني وخلي عندك يقين بيها ولو اقتنعت هتاخد بالك فعلا ان ربنا بيعوض وبيقدرلنا الخير ظن في ربنا سبحانه وتعالى الخير دايما لأنه بيقول :أنا عند ظن عبدي بي فليظن عبدي ما شاء ♥ وأوعى خااالص تيأس في أي لحظة ولو حسيت باليأس قول يا رب أنا مش عاوز أبقى بشك في قدرتك وفي حبك ليا وحاول تقوم نفسك آخر حاجة حاول تقرأ قرآن كتير ومش لازم بكمية كبيرة ع الأقل لو بتركب مواصلات مثلا طلع الفون واقرأ صفحة وبعدها شغل أغاني براحتك ? أصل حتى لو بتعصاه متقطغش حلقة الوصل اللي بينك وبينه وأستغفر كل بني آدم خطاء وخير الخطائين التوابون ? وربنا يهدينا جميعاً