@hashemmohh44

ʜᴀsʜᴇᴍ ᴍsʜᴀʀғ ™ {هاشّمـ}

Ask me anything Follow
Ask @hashemmohh44

Sort by:

LatestTop

Previous

الحب قدر ام قرار شخصى....؟ جوابك هو قناعتك انت

والله ما عمرو كان قرار كلها اقدار مكتوبة لكن تجينا على شكل صدف بتكلم عن الشخص الصحيح لما يجي بوقتو الصح مش عن الاعجاب عمرو ما كان الاعجاب حُب كان قرار 💫💛
4
Liked by: Areej al'abdalla ʜᴀsʜᴇᴍ ᴍsʜᴀʀғ ™ {هاشّمـ}

People you may like

MohannadSBL’s Profile Photo ʍօɦaռռaɖ 43
also likes
AhmedHittawy’s Profile Photo Ahmed Hittawy
also likes
ifaisal2x’s Profile Photo ذكريات فيصل ،
also likes
khadegaGhaith’s Profile Photo Free Palestine..☁️..Aya
also likes
Hasan_Alnatsheh’s Profile Photo Hasan
also likes
LoayNusierat’s Profile Photo Loay Nusair
also likes
abd_jawabreh’s Profile Photo ÁßŐŐĎĨ
also likes
mohammadmalahmad’s Profile Photo Mohammad M Al Ahmad
also likes
Want to make more friends? Try this: Tell us what you like and find people with the same interests. Try this:
#zamalek #zamalek #ahlawy #amr_diab #realmadrid #friends #amrdiab #football #alahly #tamerhosny
+ add more interests + add your interests

صراحة راحة

"من فتره طويلة وأنا ما راهنت على مكانتي في قلب أي شخص، حامي نفسي من عناء التوقعات ومحافظ على قلبي من خيبات ما بعد العشم، ما بتحمل فكرة أظن إني شخص مميز في حياة حدا بعدين أكتشف إني شخص عابر يمكن تجاوزه بكل سهوله".
5
Liked by: Areej al'abdalla abdelkrem Elgendy Ameer Jo asem ʜᴀsʜᴇᴍ ᴍsʜᴀʀғ ™ {هاشّمـ}

احكك🌷

مش صعب إنك تفهمني ولا صعب إنك تكتشف الأفعال الي ممكن تكرهني فيك أو تقربني منك، لهيك ما بعاتب حد ولا بضيع وقتي بسماع الاعذار الي بتكرر كل مره، معنديش بخزنتي فرص أو استثناءات ممكن تفضل شخص عن الثاني مهما كانت غلاوته.
الي بغلط، بغلط لإنه عشمان فيك، وبكل صراحه العشم الي كنت معطيهم ياه، استنفذوه.
4
Liked by: Areej al'abdalla abdelkrem Elgendy Ameer Jo asem

لحروفگ!🤍

مرّات العَشم الزّايد بكون غَشم🖤
مش غريب إنو بين الكلمتين نقطة، إلا إنهم بودّوا لنفس النتيجة ببعض الأوقات!
العشم بالصحبة، بالحب، حتى العَشم بالحياة.
مش كل إشي بتقدمو راح ينردّلك، خليك فاهم كويس عشان بس تيجي اللحظة الي تحتاج فيها النّاس الي ما كنت مقصر معها وقصروا معك، ما تنصدمش.
أعتبر الحياة بحَر كبير، إرمي فيها قد ما تقدر، لكن بس تحتاج تشرب منها، انت الي لازم تصفي المي مش غيرك🖤
7
Liked by: Areej al'abdalla ⚜️ Mohammad Al-azzam ⚜️ ʜᴀsʜᴇᴍ ᴍsʜᴀʀғ ™ {هاشّمـ}

S p a c e 🤎🍂

alaanawafleh2’s Profile PhotoAla'a Nawafleh
اللحظات السيئة يلي عشتها حتنساها، النّاس يلي أذوك لما قابلتهم راح تطويهم، كلشي بيأثر فيك سلبيا ربنا راح يبعدو عنك، حتتذكر اللحظات الحلوة مع الناس يلي بتحبها، عقلك راح يضل صافي للذكريات يلي كُنت فيها بقمة سعادتك، وراح ينمحي أي أثَر سيء لما تستذكره بتشفق على حالك.
بالنهاية الرّوح الطّيبة ما بتحمل غير ذكريات طيبة🌿🖤
5
Liked by: Areej al'abdalla ⚜️ Mohammad Al-azzam ⚜️ ʜᴀsʜᴇᴍ ᴍsʜᴀʀғ ™ {هاشّمـ}

ماذا تفعل اذا شعرت انك ثقيل على شخص !؟

حتّى وجودي بحياة أي شخص، صار مرهون بقدرتُه على تحمّلي!
يتحمّلني وأنا زعلان وأنا مبسوط، يتحمّلني بتعبي براحتي بمصايبي وبإنجازاتي، ما بحب أشوف حالي مزعِج لحدا أو أحس إني ثقيل، لهيك يلي بتجاهلني وبسايرني ببعد عنّه بدون ما يحس!
أنا بعادتي مستعِد أكرّس يوم كامِل، بس عشان اسمع شخص مبسوط وهو بيسردلي قصّة صغيره، ما ببيّن إني مليت ولا بقَدر أحسس واحد قريب منّي إنه وجوده مش مريح.
لهيك ما برضى بالقيمة الوهميّة يلي بتصنعلي ياها، يا بتكون قد المكان يلي أخدته بحياتي، يا من الأول ما بتكون جريئ وبتدخلها، لإنها راح اتعبك كثير لو كنت متصنّع🖤
5
Liked by: Areej al'abdalla ⚜️ Mohammad Al-azzam ⚜️ ʜᴀsʜᴇᴍ ᴍsʜᴀʀғ ™ {هاشّمـ}

SpAcE🤍

ما في حَد عنده القوة الكافيه ليحمل هموم شخص ثاني معه، الكُل مضغوط من شغله ودراسته وظروفه المادية والنفسية، كل واحد فينا عندُه حرب بيصارع فيها، عندُه أسرار ومصايب لو حكاهَا مش حيلاقي أي انسان يواسيه، إحنا بنتمنى بس اليوم يخلص من غير صدمات جديدة ومعركة ثانية ترجعنا للبداية.
إنك تقدّر تَعب الي حوليك بدون ما تعاتبهم هي أكبر مواساة ممكن تقدّمها بحياتك.
8
Liked by: أريج دودين Areej al'abdalla ⚜️ Mohammad Al-azzam ⚜️ ʜᴀsʜᴇᴍ ᴍsʜᴀʀғ ™ {هاشّمـ}

مساحة

الإنسان الي بطبعُه الحنيّة ما بنخسِر، الّي مستعد يعطيك كل وقته وتعبه بس لـيشوفك مرتاح، الّي مستحيل يردّك لو كُنت محتاجه وبصنعلك من مصايبك نكتة عشان يشوفك مبسوط.
حرفيًا البشر الّي مثل هيك صعب تصادفهم، وإذا ربنا رزقك حد منهم اربطه فيك ربط. 💯

+ 2 💬 messages

read all
6
Liked by: Areej al'abdalla ⚜️ Mohammad Al-azzam ⚜️ Eng_Asem_abusalem ʜᴀsʜᴇᴍ ᴍsʜᴀʀғ ™ {هاشّمـ}

Sp🤎ace

بخاف من الندّم، بخاف يجي علي الوقت يلي أقول فيه يا ريت، ومشكلة الندم انه لما يزورك بيجي معاه ألف شعور وشعور، بتصير بدك تتعلم، وبتزعل، وبتشفق عحالك، وبتصير تدّور هون وهون عفرصة وحدة ترجعك لورى!
والمصيبة إنّك عارف ومتأكد قديش هالشغلة مستحيلة، مرّات الواحد بندم عشَخص عرفه، وعشخص كان لازم يعرفه، بندم على كلمة حكاها، وبندم على كلمة كان لازم يحكيها!
النّدم مش ضروري يكون مربوط بأشياء عملناها، لما تفكّر في الموضوع شوي، حتكتشف إنه 90% من الأمور يلي ندمت عليها، ندمت عشان ما عملتها.
لا توصلوا للحظة يلي تضطروا تحكوا فيها يا ريت، لأنه كل ثانية عم بنعيشها هسا هي فرصة جديدة وحياة جديدة، استغلوهم منيح لأنّه ما في شي بيشبه الموت أكتر من الندم.🖤
6
Liked by: Areej al'abdalla ⚜️ Mohammad Al-azzam ⚜️ ʜᴀsʜᴇᴍ ᴍsʜᴀʀғ ™ {هاشّمـ}

•جمع الله بينكم وبين م تتمنون💙 《مساحة》💕

mnrqudah3’s Profile PhotoMA N AR
بس أشوف هالوقت والتاريخ بمشي بهالسرعة السنة الجاي بتمنى الاقي حالي واعي أكثر، احقق بعض الأشياء اللي ببالي ويكون في تغيير عظيم صار بحياتي، احتفظ بشخص أو شخصين حقيقييّن من الي بعرفهم هسا وما يكون في عندي هزائم معنويّة، تكون صحتي وصحّة أهلي بخير وما تخسّرني الحياة أي شخص بحبه، حرفيا محتاج سنة أقول بآخرها، أنه هاي النّسخة الأفضل الي بشوفها منّي 🤍🌿
7
Liked by: Areej al'abdalla ⚜️ Mohammad Al-azzam ⚜️ ʜᴀsʜᴇᴍ ᴍsʜᴀʀғ ™ {هاشّمـ} MA N AR

نصيحه لحدا متعلق بشخص 😢💔

أذا هالشخص ما بزاحم يومك ولا بسأل عليك كل شوي او يتطمن وبتلاقيه كل شوي والثانيه بوجهك انسى لا تتعلق او حتى لا تهتم لانه الي بحبك ما بيتركك ووقت حاجته بجيك ولما يخلص منك يرميك 👌
3
Liked by: Areej al'abdalla ʜᴀsʜᴇᴍ ᴍsʜᴀʀғ ™ {هاشّمـ}

Next

Language: English

4.1

1,266,418 reviews
© Ask.fm 2024