عاوزه اخد رايكم بجد
انا دلوقتي عاوزه اعمل ماجستير بس محدش موافق مصاريفها غاليه ومحدش هيدفعلي حاجه وانا كنت طالعه من أوائل الدفعه ومش عاوزه تعبي يروح كدا وفي نفس الوقت مفيش حد بيدعمني ولو كملت هجيب فلوسها منين انا محبطه جدا كنت متخيله أن كله هيقف جمبي وهيدعموني بس طلع العكس هل عندهم حق واقعد وخلاص
اشتغلي شغلانه كويسه لحد ما تجمعي الفلوس دي وخليكي ورا هدفك ايا كان ايه هو مش م حق اي حد يقلل م اهدافك ايا كان مين اللي انتي عايزاه اعمليه
اشتغلي و حوشي جزء و اعمليها يا تقدمي فالمنح
مستنيه حد يساعدك لي دوري على شغل كويس وحوشي او اعملي جمعيه لحد ما تجمعي مبلغ كويس وتعملي الماجستير وتلاقي بعده فرصه شغل كويسه ف مجالك وتعوضي الي سرفتيه ومش مشكله لو اتأخرتي سنه او اكتر على ما تعمليه
حاولي تلاقي شغل مناسب لوضعك الحالي وادرسي ماجستيرك بفلوسك، الموضوع مش أسهل حاجة لكنه يستحق المحاولة، كمان لو الماجستير غالي عن اللي هتقدري توفريه بنفسك من شغلك في البداية فممكن تاخدي دبلومة أو ما شابه بحسب دراستك طبعًا عشان ماعرفش ايه الأشياء المتوفرة بالنسبة لمجالك لكن أي شيء أكاديمي هيكون لطيف ليكي مادمتِ حابة فكرة الاستمرار في الدراسة.
وطوري مهاراتك المهنية برضو من دلوقتي واعلي في شغلك ماتوقفيش كل شيء على فكرة انه يا الماجستير يا بلاش طالما غير متاح حالًا بالًا.
بشكل عام خليكي مع هدفك واسعي له بخطوات فعلية حتى ولو بطيئة بغض النظر عن مين بيقول ايه، مستقبلك أهم من أي كلام.
بالتوفيق.
ما تشتغلى وتصرفى على الماجستير
حاولي تشوفي شغل وكملي طالما ده اللي انتي عوزاه
من راى ممكن تشتغل اى شغل يبقى مصدر فلوس ليكى ومنه تقدرى تكملى لم الفلوس تبقى معاكى
هتعملي ماجستير ليه ايه الهدف منه
ممكن تشتغلي وتحوشي وتقدمي فيه
دوري علي شغل تجيبي بيه فلوس الماجيستير
ده مستقبلك انتى ماتعتمديش على حد و لو قدرتى تشيلى مسؤليتك مايهمكيش أرائهم.
